Беренче тапкыр беренче сыйныфка – барысы да җиңел генәме?

(Тәтеш, 31 март, “Тәтеш таңнары”). 2022 елның 1 мартыннан башлангыч гомуми, төп гомуми һәм урта гомуми белем бирү программалары буенча укырга кабул итү тәртибендә үзгәрешләр булу гамәлгә керде.

Район башкарма коми­те­ты­ның мәгариф бүлеге ­на­чаль­­нигы Гөлнара ­Кирилина ­балаларны беренче сыйныфка кабул итү тәртибендәге үзгә­решләр турында сөйләде.

– Беренче сыйныфка кабул итү хәзер ике этапта узачак: беренчесе – 1 апрельдән 30 июньгә кадәр, мәктәпкә керүдә беренче чираттагы яки күбрәк хокукка ия булган балаларга, шулай ук беркетелгән территориядә, ягъни мәктәп урнашкан районда яшәүче балалар өчен билгеләнгән. Икенче этап – 6 июльдән башлап буш урыннар тулганчыга кадәр, әмма 5 сентябрьдән дә соңга калмаска. Бу вакытларда балалары беркетелгән территориядә яшәмәүче ба­лаларның ата-аналарыннан гаризалар кабул ителә. Ягъни башка урындагы мәктәпләргә гариза бирергә була.

– Гөлнара Фәритовна, гаризаны ничек тапшырырга?
–     Тигез хокуклы берничә төре бар: шәхсән килеп тапшыру; почта аркылы җибәрү турындагы белдерү кәгазе булган заказлы хат белән җибәрү; мәктәпнең электрон почтасы аркылы; мәктәпнең рәсми сайты аркылы; дәүләт яки муниципаль хезмәтләр күрсәтү сервислары ярдәмендә.
– Беренче сыйныфка керү өчен нинди документлар кирәк?
– Паспорт яки шәхесне раслау­чы башка документ. Ба­ланың туу турындагы таныклыгы. Беренче этапта – булачак беренче сыйныф укучысының беркетелгән территориядә яшәвен раслаучы документ. Аерым очракларда ташламаны (әгәр ул булса) раслаучы документ кирәк булуы ихтимал.

– Балага ничә яшь булырга тиеш?
– Беренче сыйныфка 6,5 яшьтән алып 8 яшькә кадәрге балалар кабул ителә. Ата-аналар гаризасы нигезендә гамәлгә куючы белем бирү оешмасы баланы иртә яшьтә яки аннан да соңрак яшьтә кабул итәргә рөхсәт бирә ала.
– Сәламәтлекләре буенча мөм­кинлекләре чикле балалар өчен мәктәпкә кабул итү кагыйдәләре нинди?
–     Сәламәтлекләре буенча мөм­­кин­лекләре чикле балалар җай­лаш­тырылган белем бирү программалары буенча бары тик ата-аналар (законлы вәкилләр) ризалыгы белән һәм психологик-медик-педагогик комиссия тәкъдимнәре нигезендә генә укырга кабул ителә.

– Шушы белем бирү оешмасында абыйсы яки сеңлесе укучы баланы кабул итүне кире кага алалармы?
– Иң көтелгән яңа­лык­ларның берсе: абыйсы яки сеңлесе укыган белем бирү оешмасы баланы кабул итүдән баш тарта алмый, ни аяныч, элек бу хәл булгалады, шуңа күрә ата-аналарга балаларын төрле мәктәпләргә йөртергә туры килде. Бу кагыйдә балалар яшәгән территориягә бәйле түгел, ләкин бер  үзенчәлеге бар – балалар бер гаиләдә яшәргә һәм гомуми яшәү урынына ия булырга тиешләр.