Фельдшерлары пациентлар янына вакытында баралар

Һава торышы начар булуга һәм юлсызлыкка карамастан, ашыгыч ярдәм фельдшерлары пациентлар янына вакытында баралар.

Алдагы көнне бер кеше кискен хирургия патологиясе белән чирләп киткән, ләкин ул ашыгыч ярдәм машинасы алар яшәгән урынга кадәр керә алмый дип кисәткән.

Ашыгыч ярдәм фельдшеры чакыру урынына җәяү киткән, караганнан соң аны кичекмәстән хастаханәгә салу кирәклеге турында карар кабул иткән.

Әлеге чакыру буенча Тәтеш районының 133нче янгын сүндерү часте хезмәткәрләре дә җәлеп ителгән. Алар ярдәмендә пациентны хастаханәгә алып барып җиткезә алганнар.

Тәтеш үзәк район хастаханәсе районның 133нче янгын часте хезмәткәрләренә ярдәм күрсәткәннәре өчен зур рәхмәт белдерә.

Фотоларны Тәтеш үзәк район хастаханәсе тәкъдим итте