“Форпост” грантка ия булды

(Тәтеш, 2 июль, “Тәтеш таңнары”). 

Яшьләр көнен бәйрәм итү кысаларында яшьләр сәясәте өлкәсендә социаль әһәмияттәге проектларны гамәлгә ашыруга ТР муниципаль берәмлекләренең муниципаль автоном һәм бюджет учреждениеләре арасында бәйгедә җиңүчеләрне грантлар белән тантаналы бүләкләү булды.  

Тәтешнең “Форпост” җәмәгать тәртибен саклау буенча яшьләр (студентлар) үзәге оешмасы бәйгедә җиңүчеләрнең берсе булды.   
–     Проект авыл яшьләрен, шулай ук профилактика субъектларында исәптә торган яшьләрне җәлеп итүне арттыруга, очрашулар үткәрү һәм өйрәтелгән активистлар командасын булдыру юлы белән актив мәктәбен оештыруга юнәлтелгән. Алынган грантның суммасы 547 500 сум, – дип уртаклашты Тәтешнең “Форпост” җәмәгать тәртибен саклау буенча яшьләр (студентлар) үзәге оешмасы директоры Анна ­Мещерякова.