Җиңү яулаучыларга без рәхмәтле

(Тәтеш, 6 декабрь, “Тәтеш таңнары”). Билгесез солдат көнен­дә шә­­һәр үзәгендәге Дан Мону­мен­ты янына ад­министрация, шәһәр­дә­ге оешма­лар һәм пред­прия­тиеләр, белем бирү учреждениеләре, иҗ­ти­магый оешмалар вәкил­ләре, яшь ар­мияче­ләр, волонтерлар, шә­һәрдә яшәү­челәр һәм ку­наклар җыелды.

– Билгесез солдат кө­не – халкыбызны бер­ләш­терүче, бөек баба­ла­рыбызның батырлык тарихын хәтер­дә тоту мөм­кинлеген бирүче тагын бер истәлекле да­та. Без аларның истәлеген һәм хал­кыбызның сугышчан җи­ңү традициясен горурлык белән лаеклы рәвештә дәвам итәргә тиеш, – диде Тә­теш районы башлыгы ­урынбасары Евгений ­Курков.   

Тәтеш районы хәрби комиссары Фәнис Гарифуллин да үзенең чыгышында әлеге датаның әһәмиятен ассызык­лады:
– Ватаныбызны саклаган һәрбер солдат турындагы ис­тәлек – изге. Бөек Ватан сугышы безнең һәркайсыбыз өчен  ул – бары тик үткән еллар вакыйгасы гына түгел. Ул һәр йортка, һәр гаиләгә кагылган, халыкка гаять зур җимереклекләр, кайгы һәм әрнү китергән. Бө­ек Ватан сугышы башланганнан алып ничәмә-ничә еллар үтелсә дә, сугышчыларның, хәтта аларның исемнәре билгесез булса да, фидакарь батырлыгы кешеләр хәтерендә һәрчак яшәячәк.  

Җыелучылар яу кырыннан әй­ләнеп кайта алмау­чыларның барысын да бер минут тынлык белән искә алдылар, Бөек Ватан сугышы ветераннарының барысына да ихтирамнарын белдерделәр.  

Ватан һәм туган йортлары өчен көрәштә һәлак булган, исемнәре билгесез булып калган каһарман сугышчыларга рәхмәт йө­зеннән Дан обелискына – гирлянда, Мәңгелек ут­ка чәчәкләр куелды. 

Билгесез солдат көнендә райондагы һәр­бер авылда төрле чаралар, патриотик акцияләр узды, Ватанны саклаучыларның һәй­кәлләренә һәм обелискларына чәчәкләр куелды, мәктәпләрдә һәм китап­ханәләрдә күр­гәзмәләр, хәтер дәресләре оештырылды.

Без үлемсез батырларга – безгә, киләчәк буынга, тыныч тормыш бүләк итүче­ләргә һәрчак рәх­мәтле булачакбыз, Ватанны сакларга бас­кан һәр солдатның батырлыгын хөрмәтлибез.