Иваново шәһәрендә Сабан туе

 (Тәтеш, 25 июнь, "Тәтеш таңнары").  Район башлыгы Рәмис Сафиуллов җитәкчелегендәге Тәтеш районы делегациясе якшәмбе көнне Ивановода сабан бәйрәмендә катнаш­ты. Рәмис Хатыйп улының җылы эчтәлектәге сәламләү сүзләрен, районыбызның үзешчән сәнгать артистларының матур музыкаль номерларын ивановолылар ихластан кабул итте. “Бәйрәм өчен, дуслык өчен, бүләк ителгән тирән тәэсирләр өчен зур рәхмәт. Сезне киләсе елга да көтәбез”, – диделәр тәтешлеләргә Ивановода яшәүчеләр.