Казан пенсионерларына күчтәнәчләр өләштеләр

Иртә таңнан, әле яктырып та җитмәгәндә, 24 автотранс­порт Казанга килеп җитте. Анда 1,7 миллион сумнан артык азык-төлек алып ­барылды. 

– Тәтешлеләр сатуга 1 200 литр сөт, 600 килограмм сөт ризык­лары (эремчек, каймак, өйдә ясалган май, корт), гомуми авырлыгы 600 килограмм сыер, дуңгыз, сарык, кош итләре, 100 килограммнан артык ит продукциясе, 200 шәр килограмм балык продукциясе, бал, 900 килограмм яшелчә, 2 тонна шикәр комы, 6 ярым тонна ашлык, консервациялән­гән азык продуктлары, кип­терелгән җиләк-җимешләр, кип­терелгән дару үләннәре һәм яшеллек, шулай ук Тәтеш җитештерүчесеннән ик­мәк-күмәч ризыклары тәкъдим итте. Барлык азык-төлеккә сорау зур булды, товар санаулы сәгатьләрдә сатып бетерелде. Тавык йомыркаларына аерым ихтыяҗ булды. Барлык төр азык-төлеккә, авыл җир­лекләреннән бирелгән белешмәләрне дә кертеп, ветеринария һәм башка кирәкле документлар бар иде, – дип билгеләп үтте район башкарма комитеты җитәкчесе урынбасары Мария Храменкова. – Безнең районның кунакчыллыгы да игътибардан читтә калмады. Килдеш авыл җирлеге башлыгы Виктор Исаев тарафыннан шәһәрлеләр өчен коймак һәм татлы ризыклар белән чәй эчерү оештырылды. “Татарстан” авыл хуҗа­лы­гы предприятиесе­нең хәйрия ярдәме хисабына пенсионерларга өйдә пешерел­гән ик­мәк һәм ботка белән 
егерме биштән артык пакет өләшенде.     

ТР авыл хуҗалыгы һәм азык-төлек министры Мар­сель Мәхмүтов авыл ху­җалыгы ярминкәсен оештырган өчен югары бәя бирде. Марсель Азат улы төяп киленгән азык-төлекләрнең күп төрлелеген һәм сәүдә нокталарының матур би­зәлешен бәяләде.