Кеше үз урынында булганда

(Тәтеш, 21 апрель, “Тәтеш таңнары”). Кошки-Новотимбаево авыл җирлеге секретаре Алевтина Емельянова үзен якташларын һәм туган ягын кайгырту белән нык бәйләгән.  

Алевтина Николаевна Чуаш Тайбасы авылында туа. Салмановка төп мәктәбендә егерме өч ел эшләгән, ул ябылганчыга кадәр. Аннары, яңадан әзерлек узып, Кошки-Новотимбаево мәктәбендә тарих һәм җәмгыять укытучысы була. 

2016 елда Алевтина Николаевнаның тормыш сукма­гы кинәт ке­нә юнә­лешен үзгәр­тә. 

– Авыл җир­леге ­секретаре Нина Иль­ини­ч­на Сачкова пен­си­ягә чыга иде һәм миңа үзен ­алыштыруым­ны тәкъдим итте. Мин ризалаштым һәм моңа үкенгәнем булмады. Миңа биредә ошый, – дип уртаклаша Алевтина Емельянова. – Туган як өчен нинди дә булса файда эшләү ошый, һәрчак хәрәкәттә булу ошый – бездә зур чаралар үткәрелә. Район күләмендәге “Чук­леме” яңа уңыш бәйрәме кебек шундыйлар уза, традицион рәвештә Авыл көнен билгеләп үтәбез. Хәзерге вакытта чуваш халкының мәгърифәтчесе Иван Яковлевич Яковлевның юбилеен бәйрәм итүгә әзерләнәбез. Бу көнне аның кече ватанына күп кунаклар килә. Менә шимбә өмәләренә чыгабыз, территорияләрне җыештырабыз. Шушы араларда Володар Аркадьевич ­Тимофеев ярдәмендә кәшәнәне ремонтладылар. Тумышлары белән җирлектән булучылар безгә барлык эшләрдә дә диярлек ярдәм итәләр һәм үз өлешләрен кертәләр.  

Авыл кешеләре белдерүенчә, Алевтина Николаевна  – аларның ышанычлы терәге һәм таянычы, үз урынындагы кеше. Ул һәр кеше өчен кирәкле сүзне таба, аңлата, киңәш бирә һәм тынычландыра белә. 

Бу очракта аның хезмәт осталыгы Кошки-Новотимбаево җирлегендәге җиде авылның мөһим мәсьәләләрен хәл итүдә җирле үзидарәнең әһәмиятен арттыруга ­йогынты ясый.

фотоны Алевтина Емельянова тәкъдим итте