Көпчәкләр урлаган
Тәтеш районы прокуратурасы район кешеләренә карата җинаять эшләре буенча дәүләт гаепләвен хуплаган.
Суд Тәтеш районында яшәүчене чит кеше бинасына законсыз үтеп кереп, аның милкен яшерен рәвештә урлауда гаепле дип таныган.
– Гаепләнүче 2023 елның февралендә Пролей-Кашада үзенең авылдашында кунакта булган чакта, законсыз рәвештә аның сараена керә һәм яшерен рәвештә автомобильдән гомуми бәясе 2 250 сумлык 5 көпчәк урлый. Гаепләнүче җинаять кылуда үз гаебен тулысынча таныды, кылган гамәленә үкенүен белдерде. Кылган җинаятьнең иҗтимагый куркынычлылык дәрәҗәсен, гаепләнүченең шәхесен, хөкем ителгән булуын исәпкә алып, суд аны катгый режимлы колониядә җәза үтү белән 4 елга ирегеннән мәхрүм итү рәвешендәге җәзага билгеләде, – дип хәбәр итә прокуратура хезмәткәрләре.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев