Лиана Сударикова: Быел сайлауларда беренче тапкыр тавыш бирәчәкмен

Лиана Сударикова, студент:

— Быел сайлауларда беренче тапкыр тавыш бирәчәкмен. Казанда укыйм, әмма ял көннәрендә еш кына өйгә, Тәтешкә кайтам. Ә бу якшәмбедә сайлауларга да барачакмын. Илебезнең киләчәге мөһим булган барлык гражданнарга сайлауларга барырга кирәк дип саныйм. Төп сәбәп булып, РФ гражданнарының сайлау һәм сайлану хокукы тора, нәкъ менә әлеге хокукны куллану дәүләт идарәсе процессында катнашырга мөмкинлек бирә. Сайлауларда катнашып, без илебездә гражданнар җәмгыятен бергәләп үстерәбез. Дәүләтебезнең киләчәк язмышы нәкъ менә безнең катнашуыбызга бәйле.

фотоны Лиана Сударикова тәкъдим итте