Мариупольдән килгән балалар Чаллыдагы сәламәтләндерү лагерьларында ял итәчәк
Чаллы мэры Наил Мәһдиев Мариупольдән килгән балаларның әти-әниләренә Автокаланың сәламәтләндерү лагерьларында җәйге ял турында сөйләргә кушты.
(Тәтеш, 11 май, “Тәтеш таңнары”). Шәһәр башлыгы инануынча, Мариупольдән килгән балалар, әгәр ата-аналарга шәһәр яны лагерьларында урнашу шартларын күрсәтсәң, аларда ял итә алачак.
«Алар лагерьда уңайлы шартларда яшәячәк. Сигез ел буе өсләренә бомбалар явып торды, ә хәзер тыныч күк астында яшәсеннәр. Безнең Чаллыда шулай. Бу категориягә кергән балаларга аерым игътибар күрсәтелә, Чаллының нәни гражданнары нинди шартларда яшәсә, аларга да шундый шартлар тудырылырга тиеш», - диде Мәһдиев аппарат киңәшмәсендә.
Автокалага Мариупольдән 54 бала килде. Мэр сүзләренчә, аларның бер өлеше әти-әниләре белән бергә башка шәһәрләргә дә киткән булырга мөмкин. Лагерьда ял итәргә теләгән калган балаларның барысы да юллама алачак.
Бу хакта тулырак: https://tatar-inform.tatar/news/mariupoldan-kilgan-balalar-callydagy-salamatlanderu-lagerlarynda-yal-itacak-5854378
Следите за самым важным и интересным в Telegram-каналеТатмедиа
Нет комментариев