Олы Шәмәктән cугышчыларга буржуйка тапшырган

Олы Шәмәктә яшәүче Владимир Мимеров махсус хәрби операциядә катнашучыларга ярдәм күрсәткән.  

– Миңа инде 85 яшь. Яңа­лыкларны һәр­чак тыңлап, безнең гаскәрләрнең хәрби хәрә­кәтләрдәге юлын күзәтеп барам, алар өчен борчылам. Минем үземә дә 1961 – 1962 елларда Кубада хәрби бәрелешләрдә катнашырга туры килде, элемтә гаскәрләрендә хезмәт иттем. Безнең гаскәрләргә алга хәрәкәт итүе бик җиңел булмавын, аларга нинди шартларда хәрби йөкләмәләрне үтәргә туры килүен бик яхшы аңлыйм. Булдыра алганча ярдәм итәргә булдым – пенсиямнән җыйган акчага мич-буржуйка сатып алдым. Тиздән салкыннар башлана һәм ул кирәк булачак, поход шартларында безнең сугышчыларны җылытачак, – дип уртаклашты ­Владимир ­Алексеевич.