Олы Тарханда «Халык зирәклеге» дигән фольклор сәгате үткәрелгән

13 сентябрьдә Олы Тархан авылы мәдәният хезмәткәрләре ТРда Милли мәдәниятләр һәм гореф-гадәтләр елына багышланган "Халык зирәклеге" дигән фольклор сәгате үткәрелгән.

Чара барышында татар фольклоры турында сөйләшкәннәр. Фольклорның нәрсә икәнен искә төшергәннәр, борынгы заманга сәяхәт иткәннәр, фольклорга, борынгы татар гореф-гадәтләренә, уеннарга, мәкальләргә, җырларга тукталганнар. Олы Тархан мәдәният йорты каршындагы музейда булганнар, экспонатларны караганнар. Татар халык уены "Ал кирәк, гөлл кирәк"не уйнаганнар.