Попкорнның ни катнашы бар?

Медицина хезмәткәрләре раславынча, тәмәке тартуның зыяны кеше никотинның икенче, өченче дозасын кулланганнан соң башлана.

– Тәмәкенең янган продуктлары безнең организмдагы барлык системаларны һәм органнарны диярлек зарарлый. Тәмәке тартуның организмга тәэсире түбәндә­ге халәтләргә: үпкә һәм брон­хларның эш­чәнлеге бозылуга: ХОБЛ, эмфизема, үпкә склерозы, бронхит, бронхиаль астма, үпкәдә гырлау, хроник йөткерү, үпкә ялкынсынуы үсеше куркынычы артуга; ир-атларда һәм хатын-кызларда фертильлек һәм потенция кимүгә; төзәлми торган яраларга; сөяк сыну куркынычы артуга; периодонтитка, барлык тешләрне югалтуга; казналар бозылуга; катаракта үсеше һәм челтәр катлавының аерылуы аркасында күрү сәләтен югалтуга; ашказаны һәм уникелле эчәк җәрәхәтенә китерә. Тәмәке тарту йөрәк-кан тамырлары системасы бозылуны – кан тамырларын холес­терин белән тутыруны, аорта аневризмын, йөрәк ишемиясе авыруларын, миокард инфарктын, инсульт куркынычын дүрт тапкырга арттыра, – дип белдерә Тәтеш үзәк район хастаханәсе табиб-терапевты Динара Хәбибуллина.

Күпләр электрон тәмәкеләр гадәти тәмәкегә караганда азрак зарарлы дип инаналар. Ләкин бу зур ялгышу. Мондый тәмәке куллануның тискәре нәтиҗәләре инде өйрәнелгән һәм төгәл билгеләнгән.

Аларның нибары бер өлеше: вейп яки электрон тәмәке аэрозоле, гади тәмә­келәр кебек үк, үпкәләрдә кыска вакытлы ялкынсыну китереп чыгара. Электрон тәмәкеләр облитерацияләүче бронхиолит, яки “попкорнлы үпкә”, элекке халәтенә кайта алмаслык һәм куркыныч үпкә авыруы кебек чир китереп чыгара. Аны беренче тапкыр попкорн җитештерү заводы хез­мәткәрләрендә ачыклаганнар. Сәбәбе – попкорнның майлы тәме өчен җавап бирә торган химик матдә булган. Аны ашарга мөмкин, ләкин сулау бик куркыныч. Бу матдә электрон тәмәке­ләр өчен сыеклыкның күп кенә киң танылган исләрендә ­ачыкланган. 

– Электрон тәмәке тарту сә­ламәт сайлау булып тормый һәм һәр кешенең сәламәтлеге өчен сизелерлек куркыныч тудыра. Тәмәке тартудан баш тартыгыз, үзегезнең иминлегегез һәм озын гомерле булуы­гызны кайгыртыгыз, – дип мө­рәҗәгать итә тәтешлеләргә ­Динара Хәбибуллина.