Тәтешлеләр “Все СВОи” марафонында катнаштылар

Республиканың барлык районнарында, шул исәптән Тәтеш районында да, теләге булучылар хәрби комиссариат вәкилләреннән РФ Кораллы көчләре сафларында хезмәт итү, түләүләр, социаль гарантияләр турында тулы мәгълүмат ала алдылар.

Тәтеш районы башлыгы Рәмис Сафиуллов та “Все СВОи” республика марафонында чыгыш ясады. Казанда телевидение студиясендә туры эфирда ул безнең районда контракт буенча хезмәткә җәлеп итү буенча эшнең ничек алып барылуы, солдатларга, махсус хәрби операциядә катнашучыларның гаиләләренә нинди ярдәм күр­сәтелүе турында сөйләде, шулай ук махсус хәрби операция уздыру зонасына барулар турында да әйтеп үтте.

– Без җиңәчәкбез, бер­нинди дә шик юк, – дип бил­геләп үтте әңгәмә ахырын­да Рәмис ­Хатыйп улы.

Сүз уңаеннан, шушы көннәр­дә район башлыгы һәм авыл хуҗалыгы оешма­лары җи­тәкчеләре тарафыннан РФ Үзәк хәрби округы солдатларына чираттагы гуманитар ярдәм җибәрелде.

“Авангард” газетасы да “Все СВОи” марафонында катнашты: көн дәвамында социаль челтәрләрдә һәм безнең “Тәтеш таңнары” сайтында махсус хәрби операциядә катнашучыларга, аларның гаиләләренә, контракт буенча хезмәт итүгә багышланган материаллар бастырылды. Газетабызның бүгенге саны  ватанпәрвәрлек темасына һәм махсус хәр­би операция геройларына ­ба­гышланган диярлек.