Тәтештә мобилизацияләнгән егет Дмитрий сөеклесе Юлия белән никахын законлы рәвештә теркәде

(Тәтеш, 27 июнь, «Тәтеш таңнары»). Мобилизацияләнгән егет Дмитрий Тәтеш районы башкарма комитетының ЗАГС бүлегендә сөеклесе Юлия белән никахын законлы рәвештә теркәде.

Дмитрий кыска вакытлы ялда булганда үз мөнәсәбәтләрен законлаштырырга булган. Район башлыгы Рәмис Сафиуллов исеменнән яшь парны ЗАГС бүлеге начальнигы Лариса Дианова котлады.

- Хәзер икебезгә дә җиңел түгел, - дип уртаклашты кәләш . - Мин аңлыйм, аңа хезмәт итәргә кирәк, ләкин бу фикер белән килешеп тору бик авыр иде! Ләкин мин аны тулысынча хуплыйм. Ул безне сакларга тиеш, ә мин аның өйгә кайтуын көтәчәкмен.