Тәтештә тантаналы митинг булды

Тәтештә Дан Мемориалы янында Ватан Геройлары көненә багышланган “Батырлыкка йөрәгең белән кагыл!” дип исемләнгән тантаналы митинг булды. 

Район башкарма комитеты җитәкчесе Альберт ­Гасимов һәм Тәтеш районы хәрби комиссары Фәнис Гарифуллин барлык буын геройларга сугышчан батырлыклары өчен рәхмәт сүзләре белдерделәр. 

Тәтешлеләр батырларны бер минут тынлык белән искә алдылар. Батырлык өчен рәхмәт йөзеннән Дан Обелискына тантаналы рәвештә – гирлянда, Мәңгелек утка кызыл канәферләр куелды.  

Ватан Геройлары көне уңаеннан райондагы барлык мәгариф учреждениеләрендә һәм авыл җир­лекләрендә төрле чаралар булып узды.