Тәтештә Украинада махсус хәрби операция барышында һәлак булган укчы-зенитчы белән хушлашу мәрасиме узды

(Тәтеш, 10  декабрь, “Тәтеш таңнары”).

Тәтештә, Дан Мемориалы янында, Украинада махсус хәрби операция барышында һәлак булган укчы-зенитчы Альберт Сатдыйков белән хушлашу мәрасиме узды.

Район башлыгы Рәмис Сафиуллов, «ТР муниципаль берәмлекләр Советы» Ассоциациясе рәисе Әгъзам Гобәйдуллин, Тәтеш районы хәрби комиссары Фәнис Гарифуллин мәрхүмнең туганнарының һәм якыннарының кайгыларын уртаклаштылар.

РФ Президенты Указы белән Сатдыйков Альберт Илдус улы Батырлык ордены белән һәлак булганнан соң бүләкләнде.