Тикшерү комитеты гражданнарны кабул итә

(Тәтеш, 8 ноябрь, “Тәтеш таңнары”). Күп фатирлы торак йортларны өлешләп төзүдә катнашучыларның хокукларын яклау мәсьәләләре буенча 2020 елның 12 ноябрендә 9дан 15 сәгатькә кадәр ТР буенча Россия Тикшерү комитетының Буа МРСО тикшерү идарәсенә мөрәҗәгать итәргә мөмкин, адресы: Буа, Арефьев тыкрыгы, 14. 

Буа районара тикшерү бүлеге белдергәнчә, барлык килгән мөрәҗәгатьләр буенча, закон нигезендә, тәртибендә һәм вакытында нәтиҗәле, һәр яклы тик­шерү оештырылачак. Кабул итүгә эш көннәрендә 8дән 17 сәгатькә кадәр түбәндәге телефоннар буенча язылырга мөмкин: 8(843-74)3-13-00, 3-28-20, 8-9172 25-63-12.