Тәрбияләү күнекмәләренә өйрәтәләр

(Тәтеш, 2 март, “Тәтеш таңнары”).
Халыкка комплекслы социаль хезмәт күрсәтүче “Тәтеш балкышы” үзәгенең өйгә барып хезмәт күрсәтү бүлеге белгечләре социаль хезмәткәрләргә, өлкән яшьтәге һәм инвалид гражданнарның туганнарына карап-тәр­бияләү,  йорт шартларында тернәкләндерү ысулларын өйрәтү максатында “Тернәкләндерү һәм тәрбияләү мәктәбе” технологиясе буенча дәресләр уздыра. 

Дәресләр авыр хәлдәге чирләүчеләрне тәрбияләү күнекмәләрен үзләштерүнең теоретик һәм гамәли нигезләренә төшенүне, сәламәтлек торышы ­артыннан күзәтү һәм контрольдә тоту ысулларын өйрәнүне, тернәкләндерүнең техник әйберләреннән файдалануны, карап-тәрбияләүне оештыру мәсьәләләре белән бәйле психологик аспект­ларны өйрәнүне, социаль ярдәм рәвешендәге курслар төрендә  мәгълүмати лекция һәм гамәли дәресләрне тормышка ашыра. 
“Узган елда 26 дәрес үткәрелде, шуның өчесе – төркемлеләр, егерме өче – аерым. Агымдагы елда әлегә ике аерым дәрес узды”, – дип билгеләп үтте өйгә барып хезмәт күрсәтү бүлеге мөдире Марина Земкова.

Өйрәнүләр зарурилык булуга карап, Тәтеш үзәк район хастаханәсе белгечләре белән берлектә үткәрелә.
“Тәрбияләү һәм тернәк­ләндерү мәктәбе” кыса­ларында өйрәнергә те­ләү­челәрнең барысы да 2-63-13 телефоны яки Тәтеш, Ленин урамы, 114а, 1нче бүлмә адресы буенча мөрәҗәгать итә ала.