Тәтеш районы халкы «Татарча диктант – 2020» акциясендә катнашты

(Тәтеш, 28 сентябрь, "Тәтеш таңнары"). 26 сентябрьдә Россиянең барлык субъектларында һәм дөнья илләрендә «Татарча диктант» татар телендә грамоталылыкны тикшерү буенча бишенче бөтендөнья белем бирү акциясе узды. Диктант язуда барлык теләүчеләр дә үз көчләрен сынап карадылар. Уку йортларына керү мөмкинлеге чикләнгән булу сәбәпле, район халкы онлайн-режимда өйдә − ТНВ-Татарстан һәм ТНВ-Планета региональ телеканалларында, район китапханәләрендә, мәдәният йортларында, ә укучылар  мәктәпләрдә диктант яздылар.

Акциядә катнашучылар бик тырыштылар һәм татар теле грамматикасы буенча яңа күнекмәләр алдылар. Күпләр өчен туры эфирда диктант язу кызыклы булды,

Катнашучыларга совет союзы язучысы һәм журналист Ибраһим Газиның «Сыерчыклар» әсәреннән өзеген профессор, филология фәннәре докторы Фоат Галимуллин укыды.