Тәтеш шәһәренең «Әкият» балалар бакчасы базасында район семинары булып узды

(Тәтеш, 13 декабрь, “Тәтеш таңнары”). 9 декабрь көнне Тәтеш шәһәренең «Әкият» балалар бакчасы базасында «Татарстан Республикасы халыкларының мәдәнияте һәм гореф-гадәтләре нигезендә мәктәпкәчә яшьтәге балаларга этномәдәни тәрбия бирү» дигән темага дистанцион форматта район семинары булып узды.

Балалар бакчасы тәрбиячеләре һәм белгечләре бу юнәлештә эш тәҗрибәсе белән уртаклаштылар, дәресләр, презентацияләр күрсәттеләр. Семинар «Минем милли костюм» район флешмобында катнашучыларның фотосурәтләре тупланган «Бердәмлектә безнең көч» дигән видеоролик белән тәмамланды.