Тәтешлеләргә көнкүрештә газны файда­ланганда аның табигый үзлекләрен исәпкә алырга һәм кайбер кагыйдәләрне үтәргә кирәк

"Газ плитәсе эшләгән вакытта форточка ачык булырга тиеш, чөнки саф һава җитәрлек булмаган очракта газ тулысынча янмый һәм куркыныч исле газ бүлеп чыгара. Төтен юллыкларының һәм вен­тиля­цияләрнең эшләвен һичшиксез кү­зәтегез, яхшы суырамы икәнлеген ти­к­ше­регез, ә җылылык сезоны баш­ланганда янгын сүнде­рү службасыннан төтен юллыкларының торышы турында акт алыгыз. Таби­гый газны имин куллану буенча инструктаж узыгыз, кулыгыз­да приборларны файдалану буенча белешмә булсын һәм аларны үтәгез. Әгәр инде газ җайланмасының төзексезлеген ачык­ласагыз, белгечләрне чакырыгыз.

Үз белдеклегегез белән газ кертү, күчереп кую, газ приборларын алыштыру һәм ремонтлау эшләрен баш­карма­гыз. Газ приборларының конструкциясен, төтен, вентиляция сис­те­масы җай­ланмаларын үзгәртмә­гез, төтен юллык­ларын чис­тарту өчен билгеләнгән вентиляция каналларын, "кесәләрне", люкларны томаламагыз. Приборлар төзек булмаганда газдан файдаланма­гыз, аеруча да газның саркып чыкканын күргәндә. Эшләп торган газны күзәтүчесез калдырма­гыз һәм балаларны аңа якын җибәрмәгез. Биналарны газ плитәсе яр­дәмендә җылытмагыз, төтен юллык­ларына актның гамәлдәге вакыты чык­канда җылылык казаннарыннан файда­лан­магыз, зәңгәр ягулык чыгу­ын ачык­лау өчен ут кулланмагыз. Әгәр бинада газ исе сизсәгез, при­борларны ача торган һәм андагы краннарны кичекмәстән ябарга, тәрәзәләрне, ишек­ләрне ачарга, үтәли җил йөрер­лек итәргә кирәк. Ут кабыз­магыз, тәмәке тар­тмагыз, яктырткыч­ны, электр при­бор­ларын элдермәгез, ке­шеләрне газ белән пычранган зонадан чыгарып, 104 номеры буенча газ хезмәтен чакырыгыз".