Түбән Тархан авылы мәчетендә Коръән ашы уздырылган

Түбән Тархан авылы мәчетендә Коръән ашы уздырылган.

- Мәҗлес районыбызның имам-мөхтәсибе Инсаф хәзрәт Җәләлетдиновның сәламләү сүзләреннән һәм Коръән аятьләре укудан башланып китте, гыйбрәтле вәгазьләре күңелләргә үтеп керерлек булды.
Аннан җыелган кунакларыбыз һәм авылдашларыбыз аш, тәм-томнар белән сыйланып, муллабыз Булатов Фариткә, табынны әзерләүчеләргә рәхмәтләрен әйтеп, алдагы елларда да, илләр-көннәр тыныч, исән-имин булып, мәчетебезгә йөреп торырга, мул табыннар артында җыелышырга насыйп булса иде дигән теләктә калдылар, - дип уртаклашты авылның мәдәният хезмәткәре Гүзәл Шәмсетдинова.

фотоларны Гүзәл Шәмсетдинова тәкъдим итте