Укучылары белән горурлана

Алексей Маркелов Тә­тештәге кадет мәктәп-интернатында офицер-тәрбияче булып 2003 елдан бирле эшли, ягъни районда кадет хәрәкәте барлыкка килгәннән алып. Кадет булырга карар иткән беренче 25 тәтешленең тәрбиячесе дә Алексей Александрович булган.

– Мин өч чыгарылыш чыгардым, алар гражданлык һәм хәрби хезмәттә үзләрен таптылар. Шуларның дүртесе ­Россия Армиясенең гамәлдәге офицерлары, бишесе югары хәрби уку йортлары курсантлары. Өч тәрбияләнүче гомер өчен куркыныч тудыручы махсус операцияне үтәгәндә күрсәткән батырлыклары һәм каһарманлыклары өчен медальләр белән бүләк­ләнде, – дип билгеләп үтә Алексей ­Александрович.
Кадетларның ата-аналары әйтүенчә, ул – җаваплы һәм ышанычлы кеше, аңа һәрчак таянырга, ярдәм сорап мөрәҗәгать итәргә һәм бер дә икеләнмичә үз балаңны ышанып тапшырырга була.

– Минем хезмәтемдә иң мө­һиме – киләчәк буында үз Ватаныма мәхәббәт тәрбияләү, чөнки балалар – илнең киләчәгенең нигезе, дип саныйм. Педагог һөнәре искиткеч, чөнки мин үз хезмәтемнең нәтиҗәсен күрә, укучыларым белән горурлана алам, – ди Алексей Александрович. 
Ул үзенең зур тәҗрибәсен кулланып, укучыларына тормыш юнәлешен күрсәтә. Үсеп килүче буынны тәрбияләү мәсьәләләренә һәрвакытта җаваплылык белән карый.