Урлаган өчен суд тарафыннан хөкем ителгән

(Тәтеш, 11 февраль, “Тәтеш таңнары”, Николай Плотников).

Тәтеш районы прокуратурасы 35 яшьлек ир-атка карата җинаять эше буенча дәүләт гаепләвен хуплаган. 
– Суд аны законсыз рәвештә торакка үтеп керү юлы белән,  кеше әйберен урлауда гаепле дип таныды, – дип хәбәр иттеләр Тәтеш районы прокуратурасы хезмәткәрләре. –  Суд тарафыннан гаепләнүченең, авыл­дашының өйдә юклыгын белеп, аның өенә үтеп кергәнлеге, 4 литр спиртлы эчемлек урлавы, черкиләрдән спрей, төргәктә гомуми суммасы 2000 сумлык дуңгыз колак­лары урлавы ачыкланды. Моннан тыш, икенче көнне, исерек килеш күршесенең йортына үтеп кергән, анда да шулай ук 1086 сумлык милек урлаган. Хөкем ителүче үзенең гаебен тулысынча таныды, кылган гамәле өчен үкенүен ­белдерде.    
Суд гаепләнүченең хө­кем ителгәнлеге булуын исәпкә алып, аны гому­ми тәртиптәге төзәтү коло­ниясенә 2 ел да 3 айга ире­­­геннән мәхрүм итү рә­ве­шендәге җәза үтәү белән хөкем карары чыгарды. 

Кыйнаган өчен җаваплылык кырысланган
Көч кулланып кылган җинаять өчен хөкем ителгәнлеге булган зат­ның кыйнаган өчен җа­ваплылыгына кагылышлы РФ Җинаять кодексына үзгәрешләр ­кертелде.
– Аерым алганда, РФ Җинаять кодексының 116.1нче маддәсенә (“Административ җәзага җә­леп ителгән зат та­ра­фыннан кыйнау”) ­тү­бәндәге эчтәлектәге икен­че өлеш өстәлде: “Кыйнау яки башка төрле көч куллану гамәлләре кылып, физик авырту ясаган, ләкин Кодексның 115нче маддәсендә күрсәтелгән нәтиҗәләргә китермәгән һәм Кодексның 116нчы маддәсендә каралган җи­наять билгеләре булмаган физик авыртуга дучар иткән, әмма көч кулланып кылынган җинаять өчен хөкем ителгәнлеге булган зат, дүрт йөз сиксән сәгатькә кадәр мәҗбүри эшкә, яисә бер елга кадәр төзәтү эшләренә, яки шундый ук вакытка ирегеннән мәхрүм итүгә, яисә алты айга кадәр кулга алыну хөкеменә җәлеп ителә”, – дип хәбәр иттеләр Тәтеш районы прокуратурасы хезмәткәрләре.  

Ата-аналар өчен ял
Инвалид баласы булган ата-ананың (опекунның, попечительнең) берсенә, аның язмача гаризасы буенча, өстәмә түләүле дүрт көн ял бирелә.  
– “Россия Федерациясе Хезмәт кодексының 262нче маддәсенә үзгәрешләр кертү турында”гы Федераль закон нигезендә, Хез­мәт кодексында инвалид балаларны тәрбияләүче затларның өстәмә түләүле ял көннәренә хокукы барлыгы беркетелгән, – дип аңлаталар Тәтеш районы прокуратурасы хез­мәткәрләре. – Файдаланылмаган өстәмә түләүле ял көннәрен календарь ел дәвамында рәттән 24 көнгә кадәр бер тапкыр алырга мөмкин. Мондый һәр көн өчен түләү уртача хезмәт хакы күләмендә һәм федераль законнар белән билгеләнә торган тәртиптә башкарыла.
Федераль закон 2023 елның 1 сентябрендә га­мәлгә керәчәк.   

Милек һәм торакны бүләчәкләр
РФ Гаилә ­кодексына үзгәрешләр кертелде, ул ир белән хатынның гомуми мөлкәтен бүлгәндә өлешләрне билгеләү тәр­тибенә кагыла.
– Ир белән хатынның гомуми мөлкәтен бүлгәндә аларның өлешләре тигез дип таныла, – дип аңлаттылар Тәтеш районы прокуратурасы хезмәт­кәр­ләре. – Суд балигълык яшендә булмаган балалар­ның мәнфәгать­ләреннән чыгып һәм (яисә) ир белән хатынның берсенең игътибарга лаек мәнфәгатеннән чыгып, аларның уртак мөл­кәтендә ир белән хаты­нның өлеше тигез хокуклылык башлангычын  кире кайтарырга ­хокуклы. Аерым алганда, әгәр ирнең яки хатынның берсе нигезсез сәбәпләр аркасында керем алмаган яки ир яисә хатынның уртак милкен киметүгә китергән намуссыз гамәлләр кылган, шул исәптән ир яки хатынның берсе файдасыз шартларда кирәк булмаган килешүләр, ир белән хатынның уртак милкен тартып алу кебек шундый килешүләр рәсмиләштергән, ирнең яисә хатынның таләбе буенча аларның суд тарафыннан гамәлдән чыгарылу нәтиҗәләре кулланылмаган очракта.    

РФ Торак кодексының 30нчы маддәсе тулыландырылды. Торак бинаның милекчесе әлеге бинага милек хокукында өлешләр барлыкка килүгә китерә торган гамәлләр кылырга хокук­лы түгел, ә уртак милеккә хокуклының шул өлешне бүлүгә җәлеп итүче торак бинага гомуми милек хокукындагы өлешнең хуҗасы гомуми милек ­хокукында бу өлешне бүлүгә китерә торган гамәлләрне кылырга хокуклы түгел, әгәр һәр милекченең өле­шенә туры килә һәм һәр ми­лекченең өлешенә про­­порциональ рәвештә бил­геләнә торган торак би­на­ларның мәйданы һәр ми­лекчегә туры килгән торак мәйданның гомуми мәй­даныннан кимендә алты квадрат метр тәшкил итсә.  
Әлеге өлештә каралган кагыйдәләрне бозып төзелгән килешүләр га­мәлдә түгел дип санала. Әле­ге өлешнең нигезлә­мәләре закон буенча торак бинага өлешчә милек хокукы барлыкка килгәндә, шул исәптән теләсә кайсы сәбәпләрне мирас итеп алу нәтиҗәсендә, шулай ук торак биналарны хосусыйлаштыру очракларында кулланылмый. Закон 2022 елның 1 сентябреннән законлы көченә керде. 

фото: Татар-информ