Уртак эшчәнлек турында фикер алыштылар

Делегацияне абруйлы бизнес-леди, Катар палатасы идарәсе әгъзасы һәм Катар эшлекле хатын-кызлар форумы рәисе Ибтихадж Аль-Ахмадани ханым Катар палатасының тикшеренүләр һәм эшләнмәләр бүлеге директоры Нура Аль-Авлан ханым катнашында 
кабул итте.

Россия делегациясенә “Ха­­тын-кызларның интер­на­циональ берлеге” вәкилләре, шул исәп­тән аның вице-президенты, “Колос” агрофирмасы җитәкчесе Рима Сафиуллова, шулай ук Россия Авыл хуҗалыгы министрлыгы вә­кил­ләре җитәкчелек итте.

“Ха­­тын-кызларның интер­на­циональ берлеге” ТИО президенты Әлфия Әмирова, бер­лекнең Катар эшмәкәрләре белән барлык өлкәләрдә, бигрәк тә туризм, азык-төлек иминлеге һәм сәүдә өлкәсендә хезмәттәшлекне үстерү һәм ныгыту белән кызыксынуын билгеләп үтеп, үз иленең Россия хәләл азык-төлек продуктларын һәм авыл хуҗалыгы продукциясен Катарга экспортлау белән кызыксынуын ­ассызыклады.

Очрашу барышында “Ха­­тын-кызларның интер­на­циональ берлеге” ТИО вице-президенты Рима Сафиуллова Татарстанда бодай уңышы буенча лидерларның берсе булган үзенең авыл хуҗалыгы предприятиесенең казанышлары, инвестиция проектлары турында сөйләде һәм хәләл продукцияне Катарга экспортларга теләк белдерде.

Очрашуда чыгыш ясаганда, Ибтихадж Аль-Ахмадани Катар палатасының берлек белән нәтиҗәле партнерлык урнаштыруын түземсезлек белән көтүен, ул җирле һәм шулай ук ха­лыкара дәрәҗәдә дә эшмәкәр хатын-кызларның хокукларын һәм мөмкинлекләрен киңәйтүгә ярдәм итәчәк, дип билгеләп үтте.

– Очрашуда берничә төп секторда хезмәттәшлекне ки­ңәйтү мөмкинлекләре, шул исәптән туризм һәм медицина туризмы, шулай ук эшмәкәр хатын-кызларга ярдәм итү турында фикер алыштык. Без элемтәләрне җайга салу һәм өйрәнү өчен уртак онлайн-платформа, шулай ук ике яклы парт­нерлык мө­нәсәбәтләрен ныгыту өчен уртак эшчәнлек – сәүдә үзәге булдыру мөмкинлеген карадык. Бу әңгәмә Россия белән Катар арасындагы эшлекле һәм мәдәни элемтәләрне үстерү өчен яңа офыклар ача, – дип уртаклашты Рима Сафиуллова.

“Хатын-кызларның  интернациональ берлеге” ТИО мәгълүматлары буенча

фото: “Хатын-кызларның  интернациональ берлеге” ТИО