Үзәк китапханә “Леонид Гайдай. Көлкедән бөеклеккә кадәр” дип исемләнгән музыкаль кичә үткәрделәр

(Тәтеш, 19 январь, “Тәтеш таңнары”). 

Үзәк китапханә хезмәткәрләре “Өченче буын университеты” катнашучылары өчен “Мәдәниятне агарту” программасы кысаларында “Леонид Гайдай. Көлкедән бөеклеккә кадәр” дип исемләнгән режиссер, сценарист Леонид Иович Гайдайның тууына 100 ел тулуга багышланган әдәби-музыкаль кичә үткәрделәр.

Тамашачылар кинокомедия мастерының тормышы һәм иҗаты турында бик күп кызыклы нәрсәләр белделәр, яраткан фильмнардан музыка тыңладылар, Гайдай кино геройларының канатлы гыйбарәләрен искә төшерделәр, шулай ук инде берничә буын яраткан кинокомедияләрнең иң якты һәм көлкеле эпизодларын карадылар. Аны Үзәк китапханә хәбәр итә.