Яңа техника ачкычлары алдылар

(Тәтеш, 11 гыйнвар, “Тәтеш таңнары”). Казанда, Яңа ел җитәрәк, республиканың муниципаль берәмлекләре арасында ел саен үткәрелә торган республика смотр-конкурсы лауреатларын бүләкләү тантанасы булды.

Татарстан Республикасы Президенты Рөстәм Миңнеханов кулыннан эш урыны өчен яңа техника ачкычларын алган иң яхшы 100 авыл җирлеге җитәкчеләре арасында тәтешлеләр – Бидәңге һәм Киртәле авыл җирлекләре башлыклары Гөлназ Галиева белән Светлана Поселкина да бар.

– Без мондый яңа ел бү­ләгенә бик ­шатландык, – дип уртаклашты­лар алар. – Элеккеге авто­мо­биль­ләрнең җиме­релгән чаклары да булды, ремонт таләп ителде. Яңа машиналар күп кенә мәсьәләләрне тиз арада хәл итүгә хезмәт итәчәк.

Шулай ук “Тәтеш” МПП” муниципаль унитар предприятиесенең дә машина паркы ­тулыланды.

– Яңа трактор бирде­ләр, – дип уртаклашты предприятие җитәкчесе Рифкать Әхмәтов. – Әлеге күп функцияле техника шәһәрне төзекләндерү өчен кышын да, җәен дә хезмәт итәчәк.