Ялгызлыкка урын юк

(Тәтеш, 6 октябрь, «Тәтеш таңнары», Юлия КАЛИНИНА). Ул күп балалы гаиләдә үсә, аңардан тыш тагын әле өч ир туганы һәм ике сеңелесе була. “Әти сугышка беренчеләрдән булып китте, аның артыннан – олы абыем. Икесе дә хәбәрсез югалдылар. Мин ул чакта мәктәптә укый идем, кечерәк туганнарымны карарга туры килде, Кызыл Йолдыз авылы янындагы кырда тары утадык”, – дип искә төшерә Анастасия Ивановна.

Сугыштан соңгы елларда Тәтештәге “Восход” тегү фаб­рикасына өйрәнчек булып урнаша, ә аннары Чинчурино егете Григорийга кияүгә чыга. “Читкә китәргә җыендык, шулай да авылда торып калдык. Ул – иминият агенты, ә мин КБОда тегүче булып эшләдем. Юл төзегәндә бригадир вазифасын да башкардым”, – ди ул.

Хәзер аңа туганнары ярдәм итә, энесе Григорий да күршедә генә яши, шуңа да Анас­тасия Ивановна үзен ялгыз хис итми. Юбилей көнендә аны якыннарыннан тыш, район башлыгы урынбасары Евгений Курков, Нармонка җирлеге башлыгы Тәлгать Хәкимов котлаган.