Алабирде мәктәбе спортзалында һәр елны волейбол ярышлары үткәрелә

(Тәтеш, 27 февраль, “Тәтеш таңнары”). Алабирде мәктәбе спортзалында һәр елны, Ватанны саклаучылар көненә багышлап, Җәләлиев Фирдүс призына волейбол ярышлары үткәрелә. Әзерлек этабы декабрьдән үк башланган.

Агымдагы елда уздырылган ярышта дүрт команда катнашкан. Ир-егетләр җиңү өчен бар көчләрен куеп уйнаганнар. Шулай да ярыш нәтиҗәләре буенча, беренчелекне авыл яшьләре алган, студентлар - икенче урында, өченче урынны - якташлар, дүртенче урынны укучылар командасы яулаган.
Фирдүс Мөнир улы һәр катнашучыга акчалата бүләк ясаган.