Көчлеләр исәбендә

 ТРның бадминтон Федерациясе ел азагында традицион рәвештә спорт елына йомгак ясый.
Казанда дүртенче тапкыр “Татарстанның бадминтон өметләре” республика ярышының йомгаклау этабы булды, анда 250дән күбрәк спортчы – ТР рейтингы лидерлары һәм сайлап алу ярышларында җиңүчеләр катнашты. 2022 елда узган барлык дүрт тур нәтиҗәләре буенча, 16 көчле спортчы бүләкләнде, алар арасында тәтешлеләр Дарья Зиновьева белән Азалия Полозова да бар.  
– Өстәвенә, Дарья хатын-кызлар парлы разрядында бронза призер булды. Кызларга кирәк-яраклар алырга сертификатлар тапшырдылар, – дип уртаклашты ­тренер Руслан Таҗиев.  

фото: ru.freepik.com/