Бергә булыйк!

Район гәзитенә подписканы 4302 кеше рәсмиләштерде, беренче ярты еллык белән чагыштырганда - 598 данәгә ким. Тиражның сизелерлек кимүенә карамастан, безнең гәзит районда иң яратып укыла торган басмаларның берсе булып кала.

Коллективыбыз безнең бе­лән калган һәркемгә, хәбәрчеләребез язган мәгъ­лү­матларны мөһим һәм ки­рәкле дип санаган укучыларыбызның барсына да рәхмәтле.

Билгеләнгән план подпис­касын 11 элемтә бүлеге хезмәткәрләре үтәде һәм арттырып үтәде, 4 бүлекчә 5әр кешегә тутыра алмый калды, шулай ук калганнар да тырыштылар, билгеле, әмма бүгенге көннең кыенлыкларын да танырга кирәк: чынлап та, якташларыбызның күбесенә гаилә бюджетын бүлгәндә авырга туры килгән очрак­лар була. Ә безнең күптәнге кайбер укучыларыбыз олыгая барганлыктан һәм күзләре начар күрә башлау сәбәп­ле гәзит алдырудан баш тартырга мәҗбүр булалар.

Без подпис­ка кампаниясен уздыруда ярдәм иткән служба һәм предприятие җитәкчеләренә, җирлек башлык­ларына рәхмәт белдерәбез. Кем дә кем, ниндидер сәбәп­ләр аркасында июльдән безнең гәзиткә язылыр­га өлгермәгән икән, аны августта рәсмиләштерергә мөмкин.

Киләчәктә альтернатив подписка турындагы тәкъдимебез дә үз көчендә кала. Редакциядән үзе килеп алырга теләге булучылар ярты еллык подпискага 420 сум түлиләр. Әгәр дә коллективыгыз бе­лән языласыз икән, сезгә гәзитне подписка бәясе буенча 450 сумнан предприятиегезгә китереп бирәбез.

Бүген 1 июль, җәйнең уртасы. Безнең хезмәт календарендә - кызыклы иҗат эшенең яңа этабы башланган көн. Сезнең дә, хөрмәтле укучылар, бүгенге кәефегез җәйге көн кебек матурдыр дип өметләнәбез. Ул һәрчак шулай булсын. Барыгызга да сәламәтлек, уңыш­лар һәм рух күтәренкелеге телибез!