“Новый путь” агрофирмасында төбәк-семинар киңәшмәсендә техниканы 2015 елгы кыр эшләренә әзерләүне оештыру турында сөйләштеләр

Келәшлеләр Тәтеш җире кунакларын җылы каршы алдылар. Район башлыгы Рәмис Сафиуллов сәламләү сүзе, Тәтеш районы турындагы мәгълүматлар белән һәм нәтиҗәле эшләүләрен те­ләп җыелучыларга мөрә­җәгать итте.

Республика авыл хуҗалыгы һәм азык-төлек министры урынбасары Тәлгать Таһирҗанов техниканы саклау­га кую буенча респуб­лика смотр-конкурсы нәтиҗәләрен ана­лизлады, безнең рай­­­он аграрчылары тән­кыйть ителмәде диярлек, бары тик "Родина" ҖЧҖ гына телгә алынды. Шул ук вакытта ул игътибарны, сервис фирмалары ярдәмендә авыл хуҗалыгы техникасын ремонтлау белән планлы рәвештә шөгыльләнү өчен, катлау­лы техникадагы җитешсезлекләр ведомостен вакытында рәсмиләштерү кирәклегенә дә юнәлтте.

"Моның белән язын түгел, ә хәзер шөгыльләнергә кирәк, - дип басым ясады Тәлгать Галимҗан улы, - бу чит ил техникасын запас частьләр белән тәэ­мин итүчеләр эшенә бәйле, шулай ук ремонт эшләренә гамәлдәге сезонлы ташламалардан да файдалану зарур".

Ул инженерларга әлеге эш­ләр өчен тулысынча җаваплы булуларын искәрт­те: чөнки азык-төлек җитеш­леге шуннан башлана.
Көндәшлеккә сәләтле бу­лу өчен, хезмәт җитештерүчәнлеген күтәрер­гә ки­рәк. Ә ул машина-технология паркын яңар­тканда гына мөмкин. Бу нәкъ менә беренчел бурыч, дип басым ясады министр урынбасары.

Хуҗалыкларның җитешлек формуласы - продукцияләрнең үзкыйммәте түбән һәм эш хакларының югары булуы.

Бурычларның икенчесе - техникадан файдалану­ның нәтиҗәлелеген күтә­рү. Уңай мисаллар үрнәгендә башкалар белән бер­гә "Содружество" ҖЧҖ, "Парадиз" ҖЧҖ тел­гә алынды.
Техниканы яңартуга чакырып, ул хуҗалыкларда булган мәйданнарны һәм җитештерү технологиясен исәпкә алуны, куәтле, күпфункцияле һәм киң алымлы техникага өстенлек би­рүне катгый рәвештә тәкъдим итте.

Киңәшмәдә катнашучылар субсидия, техникадан файдалану һәм ремонт эшләрен оештыру буенча күп кенә файдалы һәм конкрет мәгълүматлар алдылар.
Механизаторлар өчен шарт­­­лар тудыруга да ба­сым ясалды, бу мәсь­ә­лә­дә "Колос"та бик яхшы.

Республиканың 16 хуҗалыгы арасында "Авангард" ҖЧҖ әйтеп үтелде, анда тагылма авыл хуҗалыгы машиналарын ремонтлау тәмамланган.

Сервис фирмалары вә­кил­ләре хез­мәттәшлеккә ча­кырып, үз хезмәтлә­рен тәкъдим иттеләр (рә­семдә).

"Татагролизинг" генераль директоры Илдус Җиһаншин яңа техника алганда республикада гамәлдә бул­ган программаларның шартлары хакында җен­­­текләп аңлатты. ТР Дәүләт техник күзәтчелеге Идарәсе начальнигы Радик Зыятдинов үзйө­решле машиналарга техник карау үткәрүне оештыру турында сөйләде.

Семинар агрофирманың машина-трактор паркы тер­­­­риториясендә тәмамланды, анда техниканы ремонтлау барышын кү­рер­гә һәм механизаторларның хезмәт шартларын бәяләргә мөмкин булды.