Тәтеш игенчеләре яхшы уңышка өметләнеп яшиләр

Авыл хуҗалыгы предприятиесе җитәкчесе Виктор Абрамов кыр һәм ферма эшчәннәрен авылның уңганнары һәм горурлыгы дип атады.

Бөртеклеләрнең киң, азык культураларының хуш исле үлән кырлары җәмәгать терлекләре өчен печән, сенаж запасын тулыландыра. Авыл халкы үз хуҗалыкларындагы мал-туарга печән инде алган. "Кырларда иген өлгерә, узган елгы уңышны күптән түгел генә сатып бетердек, тырыш хезмәтегезгә рәхмәт әйтер өчен әлеге бәйрәм өстәлен әзерләдек, - диде Виктор Абрамов, механизаторларга һәм терлекчеләргә мөрәҗәгать итеп. - Чәчүне уңышлы тәмамладык, азык хәстәрләү бара. Бүгенгә өч тоннага якын сөт савабыз, район башлыгы тарафыннан 5 тоннага якын бурыч куелган иде, моңа да ирешербез дип өметләнәм. Безнең барлык уңышларыбыз - бердәм, тату коллективның эш нәтиҗәсе. Барыгызга да зур рәхмәт!"

Авыл терлекчеләр, игенчеләр белән дан тота, көндәлек намуслы хезмәт ярдәмендә хуҗалыкта продукция­не үстерү, авыл хуҗалыгы предприятие­сенең һәм халыкның җитешлеген булдыру мөмкинлеген бирә. Предприятие җитәкчелеге фермалардагы, терлекчелек җәйләүләрендәге хезмәт шартлары турында кайгырта, машина-трактор паркы яңартыла, җитештерү объектлары ремонтлана. Хезмәт хакының вакытында түләнүе, премияләр дә бирелүе әһәмиятле булып санала. Авылны төзекләндерүгә, социаль проблемаларны хәл итүгә дә акча тотыла.

Авыл хуҗалыгы предприятиесе администрациясе эшчәннәрне хезмәтләре өчен бәйрәм өстәле белән генә калдырмады, һәркем бүләк тә алды: ир-егетләр - костюмнар, хатын-кызлар - акчалата. Район Советы аппараты җитәкчесе Людмила Абрамова район башлыгы исеменнән авангардчыларны котлап, игенчелек культураларының югарылыгын, коллективның бердәмлеген билгеләп үтте.

"Рәмис Хатыйпович сезнең хезмәтегезне бары яхшы яктан гына бәяли, - диде ул, - авылда яшьләр бар, димәк, ул яши һәм киләчәктә дә үсәчәк. Хезмәтегезгә рәхмәт, бай, кунакчыл җирегезнең тагын да чәчәк атуын телим". Тәтеш бүлегенең "Бердәм ­Россия" партиясе җитәкчесе Ленар Нев­метов та җылы эчтәлекле сүзләрен җиткерде.

Өч сәгатькә сузылган күңелле бәйрәм кичәсендә безнең хәбәрчеләребез авыл халкы белән аралаштылар. Хезмәт кешеләре белән һәрчак сөйләшер сүзләр табыла, шул исәптән безнең тарафтан язылган язмалардагы геройларның тормыш-көнкүреш­ләре элеккечә яхшы: күтәренке рухта эшкә баралар, өйләрендә - ышанычлы тыллары булган ирләре һәм балалары.

Авылда дустанә мөнәсәбәт хөкем сөрә, барысы бергә республика бәйрәме - "Валда шинясь"кә хәзерләнәләр, ул биредә беренче ел гына узмый. Һәм безнең өчен иң мөһим булганы - барысы да район гәзитенә язылганнар. "Шәһәрдә һәм авылларда нәрсәләр эшләнүе хакында белә алырлык бердәнбер гәзит ул. Килдешлеләр турында язганны укуы бигрәк тә ошый, - дип уртаклашты Валентина Кудашова.

"Димәк, бәйрәмебез хакында да язачаксыз, - дип әңгәмәгә кушылды Надежда Меньшова, - коллективка шундый бүләк ясаганы өчен Виктор Ильичка безнең исемнән рәхмәт белдерүегезне сорыйбыз, барысы да бик канәгать калдылар. Ә иртәгә янә эшкә, тагын да яхшырак итеп хезмәт куячакбыз".