Тәтешленең һәр сумы исәпләнәчәк

Авыллар инде берничә елдан бирле төзекләндерүгә акча җыйсалар, шәһәрлеләр өчен бу әле яңалык, чөнки аларның катнашыннан башка да фонарьлар яна, юллар салына һәм чистартыла, чүп-чар чыга­рыла... Моңа күнектек. Яңа елга чыршының да матур булуын, тротуарлар­ның да чистартылуын телибез. Һәм боларның күпмегә төшүе, салымнардан җыелган акчаларның шәһәрне карап торуга җитү-җитмәве хакында беркем дә уйлап карамый.

Мәсәлән, көнкүреш калдыкларын чыгарган өчен без айга 24 сум 67 тиен түлибез, ә контейнер­ларга күпме пакет, капчык­лар, өстәвенә тагын тиешсез булмаган башка әйберләр дә ташлыйбыз. Шәһәр урамнарын яктыртуга зур акчалар сарыф ителә.

Шәһәрнең барлык урамнары да яктыртыла.

"Тәтеш шәһәре" муниципаль берәмлегендә (аңа Любимовка, Красная Поляна, Питомник керә) - 109 урам. Аларга 1700 яктырткыч куелган. Бер яктыр­ткычны ремонтлау 1200 сумга төшә. Яңасын кую - 7000 сум.

Һәр шәһәрле лампаларның якты булуына һәм имин йөрүгә хокуклы. Проблемаларны чишүнең үзара салым кебек алымы шунысы белән әйбәт, халыкның матур һәм уңайлы яшәү теләген Татарстан хөкүмәте дә хуплый, моңа бюджеттан дүрт тапкыр күбрәк акча бүлеп бирә. Әйтик, без 1 миллион сум җыябыз ди, республика дүртне бирә, ә биш миллион сумга шәһәр өчен ниндидер бер яхшы эш башкарырга мөмкин. Гәҗитебездә шәһәр башкарма комитеты җитәкчесе Андрей Тегулев әңгәмәсеннән соң, шәһәрлеләрдә сораулар барлыкка килде һәм ул бүген шуларга җавап бирә.

- Адресы һәм тавыш бирү вакыты кү­рсәтелгән чакыру­лар һәркемгә җибә­реләчәк. Тавыш бирү беркетелгән сайлау учас­ток­ларында 20 ноябрьдә 7дән 20 сәгатькә кадәр үткә­реләчәк.

- Акча җыю муниципаль берәмлекнең башкарма комитеты белдерүе нигезендә, банк реквизитларын кертеп, шулай ук түләү тәртибе турындагы хәбәр белән, үткәрелә. Түләүләр банк һәм/яки почта оешмалары аша гамәлгә ашырылачак, хәзерге вакытта әлеге мәсьәлә хәл ителә.

- Үзара салым акчасын, I группа инвалидлардан, Бөек Ватан сугышы һәм хәрби хәрәкәтләрдә катнашучылардан һәм инвалидлардан, аларның тол калган хатыннарыннан, ишле гаиләләрдән, көндезге бүлектә белем алучы студентлардан, урта гомуми белем учреждениеләре укучыларыннан кала, шә­һәрдә даими теркәлгән 18 яшькә җиткән гражданнар, җирле референдумда катнашуларына һәм тавыш бирүдәге мөнәсәбәтләренә карамастан, түлиләр.

- Үзара салым акчасын вакытында түләмәгән гражданнардан ул федераль закон тәртибендә тотып калыначак.

- Беренчедән, урамнардагы иске яктырткычларны яңартырга, аларга шәһәр бюджетыннан шактый акча тотыла, планлаштырабыз. Шәһәрдә энергияне янга калдыра торган фонарьлар куюга смета референдум карарыннан соң төзеләчәк. Моны тормышка ашыруның якынча бәясе 7-8 миллион сум, калган средство шәһәр территориясен төзекләндерүгә юнәлтелә­чәк, нигездә - болар юллар, тротуарлар салу һәм ремонтлау.

- Керәчәк акчага махсус счет ачылачак. Аның максатчан тотылышына контроль-хисап палатасы, фи­нанс-бюджет палатасы, казначылык департаментының территориаль бүлеге контрольлек итәчәк.

Шәһәр башлыгы җирле референдумда кабул ителгән карарларның үтәлеше турында елга бер тапкыр халык алдында хисап тотачак. Отчетлар районның рәсми сайтында һәм мәгъ­лүматлар стендында урнаш­тырылачак, тәтеш­леләр сорауларына гәҗит аша да җавап бирә алачакбыз.