Бик күп уңай хис-кичерешләр алганнар

(Тәтеш, 7 август, "Тәтеш таннары").

Тәтеш укучылары ике атнага ял итәр өчен Мамадыш районында урнашкан “Буревестник”ка яңа тәэсирләр алу өчен бардылар һәм алар аны тулысынча алдылар.
– Без 30 тәрбияләнүче өчен “Җәйге калейдоскоп” программасын кызыклы, төрле һәм танып белүле итеп эшләдек. Бик күп тематик чаралар үткәрелде, – ди “Батырлык” яшүсмер­ләр клубы директоры Лидия ­Егорова.
Балалар актив ял иттеләр: ярыштылар, футбол, волейбол уйнадылар,  ә ГТО нормаларын тапшыру җитезлектә, көчтә һәм чыдамлыкта чын ярыш булды.
Балалар социаль ролик­лар, очучы Михаил Девятаев батырлыгы турында фильм карадылар, конкурсларда бик теләп катнаштылар. Күңелле дискотекалардан башка да ­булмады.
Әйдаманнар Дмитрий Икин, Андрей Зиновьев һәм Ангелина Егорова балалар өчен лагерьда уздырылган һәр көнне вакыйгаларга бай һәм кызыклы итәргә тырыштылар.
– Лагерь территориясенә кергәндә, безне күңелле әйдаманнар каршы алды. “Буревестник” – биредән китәсе килми торган лагерь. Монда без яңа дуслар таптык, бик күп онытылмаслык хис-кичерешләр алдык, аларны озак вакытка туп­ладык. Безне бик яхшы ашаттылар, кичләрен учак янында утырдык, җырлар җырладык. Кызганыч, вакыт бик тиз үтеп китте, – диде ­Валерия Ковшова.

– “Акчарлак”та экологик смена әйдаманнары һәм тәрбиячеләре – Казан, Ульяновски, безнең район мәгариф учреждениеләре педагоглары һәм студентлары. Тәтештәге 1нче мәктәп педагог-оештыручысы Людмила Лазарева барысын бергә берләштерде һәм профильле смена программасын эшләде. Өченче сменада 70 бала ял итте, – ди лагерь директоры Ирина Таһирова. – Көн саен бездә мастер-класс­лар эшләде. Балалар биюләр, төеннәр бәйләргә, җирлектә ориентирлашырга ­хайваннар һәм кошлар эзләрен аерырга өйрәнделәр, гадәттән тыш хәлләрдә исән калуның төп кагыйдәләре белән ­таныштылар.
Мини-футбол, волейбол, өстәл теннисы, шашка һәм шахмат буенча спорт секцияләре эшләде. Балалар тыюлык һәм Долгая Поляна авылында экологик сукмаклар эшләделәр, экскурсияләрдә булдылар, дару үсентеләре (үләннәр) утырттылар һәм күзәттеләр. Лагерь территория­сен җы­ештыру буенча “Экологик десант” эшләде.
Педагоглар билгеләп үт­кәнчә, бөтен смена дәва­мында һәр отряд үзенең Кызыл китабын булдырган, анда үсем­лекләрнең һәм хай­ван­нар­ның юкка чыгучы төр­ләре генә түгел, ә балалар фи­керенчә, кешеләрнең сирәк сыйфатлары, эмоцияләр һәм эшләр дә ­урнаштырылган.
Халыклар бердәмлеге көне, Хәрби-диңгез флоты көне, Фән һәм техника көне бәйрәмнәре һәм истәлекле даталар да игътибарсыз калмаган. Һәр конкурс һәм ярыш нәтиҗәләре буенча актив балаларга дип­ломнар һәм грамоталар, шулай ук лотерея билетлары ­тапшырылган. 
Сменаның соңгы көнендә призлар уйнатылган. Балалар уртаклашканча, алар бик күп уңай хис-кичерешләр алганнар һәм ел буена җитәрлек уңай энергия туплаганнар.

ФОТО “АКЧАРЛАК” ШӘҺӘР ЯНЫ СӘЛАМӘТЛӘНДЕРҮ ЛАГЕРЫ ТӘКЪДИМ ИТТЕ.