Бөтен программалар да эшләячәк

Редактор, 14 март 2016 - 07:52

Объектлар төзелеше һәм капиталь ремонт эшләренең барышы район башлыгының көндәлек контрольлегендә.

Райбашкарма комитеты җитәкчесе урынбасары Әхәт Фатыйхов район активын эш төрләре белән таныштырды.

Тәтешлеләр яңа төзелешләрне кызыксынып күзәтәләр. Көньяк микрорайон 12 фатирлы ике йорт белән тулыланачак. Көньяк урамындагы 23нче йортның өченче катын салу тәмамланып килә, ә 24енчедә түбә ябу эшләре бара. Хәер, аларның беренчесен салу күпкә иртәрәк башланган иде ("СтройИнвест" ПМК ҖЧҖ), Буалар тизрәк эшлиләр.

"Миләшкәй" балалар бакчасында капиталь ремонт эшләрен тәмамладылар, тышкы эшләр генә калган. Шәһәрдәге күп катлы 8 йортның икесе "Тетюши Жилсервис" көче белән ремонтланды, хәзер алар өченче йортка керештеләр. "Бөтен программалар да гамәлдә, - дип билгеләп үтте район башлыгы Рәмис Сафиуллов. - Халыклар дуслыгы йортын төзәтүгә акча бирелде, авыл хуҗалыгы һәм азык-төлек идарәсе бинасын ремонтлау дәвам иттереләчәк, яңа ФАП һәм ветпункт өчен урын әзерләнде, башка объектларда да эшләр дәвам итә. Иң мөһиме - нык һәм сыйфатлы итеп төзергә". Ул барлык подрядчылардан республика биргән акчаларны намуслы файдалануны һәм тизрәк эшләүне таләп итте. Президент программалары һәм район җитәкчеләренең шәхсән кызыксынулары нәтиҗәсендә бүгенге көндә, Әхәт Фатыйхов хәбәр иткәнчә, Кече Әтрәчтә яңа клуб стенасын өюгә керешкәннәр, Тоншерма мәдәният йорты ремонтлана (шушы көннәрдә фасадын тышлый башлаячаклар), шулай ук авыл мәктәбен бизәү эшләре тәмамланып килә.

Районда "Чиста су" программасы буенча эшләр дәвам иттерелә, шәһәрдә күп катлы тагын 7 йорт (52 фатир) аерым җылытуга күчереләчәк. Унике торак пунктта урамнарны яктырту өчен 188 лампа урнаштырылачак. Тәүге тапкыр район авыл җирлекләре административ биналарын (Олы Шәмәк, Зур Әтрәч) ремонтлау программасында катнашачак. Планнарда - шәһәр паркын төзекләндерү һәм "Чайка" лагеренда төзелеш эшләре. Әле бу быелгы төзелеш объектларының тулы исемлеге түгел.

Агросәнәгатьнең матди-техник базасын яңартуны көтәбез, авыл хуҗалыгы предприятиеләрендә 200 башка - 4 һәм тагын 100 башка 5 абзарны капиталь ремонтларга кирәк булачак. "Нур"да яшелчә саклагыч капиталь ремонтланачак.

Республика, район һәм авыл хуҗалыгы җитештерүчеләре бүлеп биргән акчалар тәтешлеләр файдасына эшләргә тиеш.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+