Дәүләт автоинспекторлары ярдәмчеләре ярышты

(Тәтеш, 23 апрель, “Тәтеш таңнары”). Шәһәрдәге 1 нче урта мәктәп базасында узган ярышларда юл хәрәкәте яшь инспекторларның 
15 отряды катнашты. 

Бәйрәмчә бизәлгән зал­дагы тантаналы ачылыш вакытында район башкарма комитетының мәгариф бүлеге начальнигы Гөлнара Кирилина, укучыларны һәм педагогларны сәламләп, болай диде:

– Безнең конкурс юл хәрә­кәте кагыйдәләре беле­­менә ­багышланган. Сез, яшь инс­пек­­торлар хәрәкәтендә катнашу­чылар буларак, аларны барысыннан да яхшырак белергә һәм үзегезнең сыйныфташларны, шул исәптән ата-аналарыгызны да юл хәрәкәте кагыйдәләрен үтәргә өй­рәтергә тиеш, чөнки бу урамда йөргәндә бик мө­һим. Өстәвенә җәйге айларда, чөнки тиздән озакка сузылган каникуллар җитәчәк. 

Казан шәһәрендә “Юл хә­­рәкәте иминлеге” ДБУ­ның профилактика бү­леге ТИнең Буа бүлеге әйдәп баручы белгече Лилия Вахитова билге­ләп үткәнчә, быелгы “Имин тәгәрмәч” конкурсы үзен­чәлекле булып тора, чөнки 6 мартта юл хәрәкәте яшь инспекторлары оешуга 50 ел тула. 

– Без конкурска гына түгел, шулай ук юбилей бәй­рәменә дә җыелдык, – дип басым ясады ул. – Юл хәрә­кәте яшь инспекторы булу – хөрмәткә лаек, яшь инс­пекторлар юлларда имин хәрәкәт итү культурасын саклый, сез – безнең ки­ләчәк, зур илебезнең үрнәк гражданнары булыгыз.  
Конкурста катнашучы­ларга алты станцияне үтәр­гә тәкъдим ителде, алар анда үзләренең гамә­ли күнекмәләрен һәм теоретик белемнәрен күрсәтә алдылар. 

Юл хәрәкәте кагый­дәләре белеме буенча теория беренче бирем булды, катнашучыларның һәркайсы аны аерым компьютерда тапшырды. Тест үтүчеләр монитор артында, импровизацияле имтиханнардагы кебек, дөрес җавап әйтер һәм штраф балларын булдырмас өчен, җитди һәм игътибарлы рәвештә картинкага карап утырдылар. 

Беренче ярдәм күрсәтү нигезләре белеме дә юл хәрәкәтенең яшь инспекторларыннан җен­текләп уйлап эш итүне таләп итте, чөнки һәркемгә үз командасын сынатмау җаваплылыгы өстәлде. 

Спорт залында, “Авто­шә­һәрчек” станция­сен­дә, велосипедчылар шәх­сән үзләре йөреп күр­сәттеләр. Махсус җиһаз­ландырылган мәйданда юл билгеләре, там­галары, светофорлар, тыкрыклар, җәяүле кичү­ләре һәм хәтта “тимер юлны аркылы чыгу” да бар иде. Укучылар чынбарлыктагы юл шартларына туры китерелгән хәлләрдә юнәлеш таба ­алдылар. 

“Велосипедны фигуралы йөртү” этабында төрле каршылыклар урнаштырылган мәйданчыкта һәр укучы трассаны шәхсән үзе чыга алды. 
Командалар “Тормыш иминлеге нигезләре” стан­циясендә юлда велосипедчы яки җәяүле сыйфатында үз-үзеңне контрольдә тота белүне тикшерү буенча берничә биремне үтәделәр.   

“Юл хәрәкәте иминлеге өчен – бергәләп” иҗа­ди конкурсы юлларда имин йөрү буенча командаларда катнашучыларга үзенә бер төрле агитация рәвешендәге чыгышка әверелде. 

Жюри әгъзалары әйтү­ен­чә, катнашучы­лар­ның барысы да яхшы әзер­ләнгән, тырыштылар, лә­кин шулай да, теләсә нинди конкурстагы кебек, иң яхшыларны ачыкларга кирәк булды. Тупланган баллар нәтиҗәсе буенча, Тәтештәге 2 нче урта мәктәп укучылары җиңүче булды, шәһәрдәге 1 нче мәктәп – икенче урында, Алабирде урта мәктәбе командасы алдынгылар өчлегенә нокта куйды.   

Ярышларның баш судьясы, районның ЮХИДИ бүлеге начальнигы Рәмис Фаризов билгеләп үткәнчә, конкурс барышында юл хәрәкәтенең яшь инспекторлары үзеңне юлда имин тотуны киң җәелдерү буенча дәүләт автоинспекциясе хезмәткәрләренең иң төп ярдәмчеләре булуын чираттагы тапкыр дәлилләделәр.