Шимбә көнне “Тәтеш чаңгы юлы-2015” актив тәтешлеләрне җыйды

Редактор, 10 февраль 2015 - 04:11

Бу көнне чаңгы узышы шәһәребездә генә түгел, районыбызның да күп кенә җирлекләрендә үткәрелде. Салкынча булса да, кояшлы көн ярышка килүчеләрнең күңелен күтәрде.

Район башлыгы Рәмис Сафиуллов үзенең сәламләү сүзендә мондый спорт чараларының мөһимлеген билгеләп үтте: "Районыбыз күп кенә спортчылары белән горурлана, алар шәһәребезне илебездән читтә дә күп тапкырлар таныттылар. Без якташларыбызның казанышларын күзәтеп торабыз. Әле менә педкөлллиятнең элекке укучысы Артем Николаев күптән түгел Словакиядә узган кышкы Универсиададан алтын һәм көмеш медаль алып кайтты", - диде Рәмис Хатыйп улы һәм беренчеләрдән булып чаңгыга басты.

Артемның тренеры Сергей Мамкин, бу көнне ул ярышларның баш судьясы да булды. Күп кенә тәтешлеләр, шәһәр оешмалары һәм предприятиеләре хезмәткәрләре чаңгыда йөгерергә теләк белдерделәр.

Бер километрлы ара әллә ни ерак түгел - моны финишка килгән чаңгычыларның бәхетле йөзләреннән дә күреп булды. Биредә аларны якыннары һәм дуслары көттеләр, ә 2нче урта мәктәп камыр ризыклары белән хуш исле кайнар чәй оештырган иде. Матур һавада чаңгычыларны күреп Роберт Миңнуллинның шигырь юллары искә төште:

"Ява карлар, яңа карлар -

Кышның ак гөлләре.

Якты булсын, ап-ак булсын,

Илемнең көннәре..."

Бу көнне һәвәскәр спортчыларның акрын гына, үз җайларына чаңгыда шуу, ә инде ярышырга теләүчеләрнең стратка чыгу мөмкинлеге булды.

"Күптән чаңгыга басканым юк иде, - дип уртаклашты безнең белән Олег Вахтуров. - Һич вакыт җитмәде. - Ә күмәкләшеп узышу хакында ишеткәч килдем. Мондый чараларны үткәрүләре бик әйбәт, узышмасам да, рәхәтләнеп шудым, бер көнгә җитәрлек күңел күтәренкелеге алдым".

Ә менә Альберт Гыймранов, киресенчә, чаңгыда еш йөри икән. "Спортны бик яратам, шәһәребездә уздырыла торган күп ярышларда катнашам", - ди ул.

Спорт ветераннары да, шулай ук яшь катнашучылар да район башлыгы грамоталарына лаек булдылар. Алар арасында иң өлкәне - Нина Ивлева һәм Михаил Трофимов, иң кечеләре - Максим Молчаев һәм наталья Васильева. Грамоталар белән бергә Рәмис Сафиуллов җиңүчеләргә "Россия чаңгы юлы-2015" дип язылган спорт башлыгы тапшырды. Тәтешлеләрнең мондый ярышларды берничә тапкыр катнашуларын алар башындагы шундый алдагы еллар язылган башлыклар дәлилләде.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+