Татар халкының хәрәкәтле уеннар көне

(Тәтеш, 9 февраль, «Тәтеш таңнары»). Татарстанда Туган телләр һәм халыклар бердәмлеге елы уңаеннан "Миләшкәй" балалар бакчасында татар халкының хәрәкәтле уеннар көне узды.

"Миләшкәй" балалар бакчасында хәрәкәтле уеннарга нык игътибар бирелә.Чөнки хәрәкәтле уеннар балаларның физик үсешенә булыша,сәламәтлеген ныгыта.

Уртанчылар төркемендә "Тимербай",зурлар төркемендә "Соры бүре", мәктәпкә әзерлек төркемендә "Чүлмәк сатыш" уеннарын уйнадылар. Уеннар ярдәмендә нәниләр үз теләкләрен башкаларныкы белән яраклаштырырга, иптәшләре алдында җаваплылык хисе тоярга өйрәнделәр. Уртак шатлык, күмәк ярышу балаларны шәхес буларак үстерә, камилләштерә. 

фото: https://tetushi.tatarstan.ru/tat/index.htm/news/1923658.htm