Тәтеш районында балалар турында кайгырталар

Редактор, 3 апрель 2016 - 07:00

ТР Президенты Рөстәм Миңнеханов күрсәтмәсе буенча районда ялгыз өлкәннәрне һәм күп балалы гаиләләрне йорт саен тикшереп йөрү үткәрелә.

Моның максаты - аларның яшәү шартларын өйрәнү һәм кирәкле ярдәм күрсәтүдә булышу.

Дүшәмбедә район социаль яклау, Бакырчы авыл җирлеге вәкилләре һәм газетабыз хәбәрчесе белән берлектә Үтәмештә булдылар.

Бу авылда райондагы иң күп балалы гаилә яши, аларның бишесе мәктәптә укый, ике кечкенәсе бакчага йөри.

Башта ир белән хатын безне Президент программасы буенча төзелгән ике катлы кирпеч йортка чакырды. "Гади авыл кешеләре турында кайгыртканы өчен республика хөкүмәтенә зур рәхмәт, - ди Алсу Әхтәм кызы. - Безнең изге максатыбыз - барыбызга да урын җитәрлек булган шушы яңа йортка тизрәк күчү".

Биредә әлегә идән түшәлмәгән, обойлар ябыштырылмаган, су да юк. Җирлек башлыгы Илдар Шәмсетдинов әйткәнчә, аны үткәрүдә проблема булмаячак. "Һичшиксез ярдәм итәчәкбез", - дип ышандырды ул.

1968 елда салынган яхшы агач йортка килеп керүгә, хәзерге вакытта гаилә шунда яши, чоланнан ук борынга коймак исе килеп бәрелде, ә бүлмә уңайлыгы һәм җылылыгы белән каршылады. Яңгырап торган балалар тавышы шунда ук тынып калды, һәм алар, ягымлы исәнләшеп, караватларына утырыштылар. Сөйләшү барышында малайларның - әтиләренә, ә җитез кызлары Рәхимәнең өй җыештыруда әнисенә булышуы ачыкланды.

Гаиләнең әллә ни проблемалары юк, сыер, ат, кош-корт асрыйлар, умартачылык белән шөгыльләнәләр.

Хезмәт, мәшгульлек һәм социаль яклау министрлыгының Тәтеш муниципаль районы социаль яклау бүлеге начальнигы Ольга Илларионова әйткәнчә, гаилә тиешле түләүләрне һәм субсидияләрне ала. Җитәкче гаилә башлыгына аларның апрельдә дәүләт социаль ярдәме күрсәтүне сорап бүлеккә мөрәҗәгать итәргә хокуклы булуларын аңлатты.

Шулай да, ачыкланганча, кышкы айларда җылыту өчен шактый акча тотыла икән. Ике бүлмәгә куелган җылыткычлар энергияне күп сарыф иткәнлектән, бурычлары җыелган. "1 майга кадәр түләп бетерергә тырышабыз", - диделәр хуҗалар һәм кулланылган энергия өчен автотүләүгә күчәргә теләк белдерделәр.

Авыл җирлекләре башлыклары җитәкчелегендәге мондый рейдлар дәвам иттереләчәк.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2020. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+