Тәтештә XVI Ачык республика “Йолдызлык-Созвездие-2016” телевизион яшьләр эстрада фестиваленең район этабы финалы узды

Редактор, 16 февраль 2016 - 09:09

Әле кайчан гына яшь талантлар авыл җирлекләре мәдәният йортларында җырлаганнар һәм биегәннәр иде. Берничә атнадан шуларның иң сәләтлеләре районның үзәк сәхнәсендә үзләренең иҗади сәләтләрен күрсәттеләр.

Нәни артистлар пәрдә артында, бизәнү бүлмәсендә һәм фойеда чыгыш ясарга әзерләнәләр. Балаларга караганда, аларга көч биреп торырга килгән әти-әниләре һәм тәрбиячеләре күбрәк борчылдылар бугай.

"Мин бер дә дулкынланмыйм, чөнки бакчада да биедем. Без озак әзерләндек. Бүген татар биюен башкарабыз", - диде сәхнәгә чыгар алдыннан "Данс" ансамблендә шөгыльләнүче 5 яшьлек Ки-ра Никитина.

Финал көне минутлап төзелгән иде: беренче булып балалар бакчалары чыгыш ясадылар, алардан соң авыл җирлекләреннән килгән балалар үз иҗатларын күрсәттеләр, йомгаклау өлешендә финалда җиңү өчен шәһәр мәктәпләре һәм урта махсус уку йортлары укучылары көч сынаштылар.

"Конкурста катнашучыларны бәяләү тәртибе миңа таныш, чөнки бәйгедә жюри әгъзасы буларак беренче тапкыр гына катнашуым түгел. Алдагы ел белән чагыштырганда, катнашучыларның әзерлек һәм осталык дәрәҗәләре шактый югары. Күбесенең чыгышлары режиссурасы һәм драматургиясе белән аерылып торды. Репертуарлары, сәхнәдә образлары һәм артистлыклары сөендерде.

Фестиваль шатлык һәм бердәмлек бүләк итте", - дип сөйли район этабының жюри рәисе Екатерина Баландина.

"Вокал-соло" номинациясендә - 28 кеше, "Вокаль ансамбльләр" һәм "Хореография" номинацияләрендә 8 вокаль һәм 6 бию коллективы финалга чыкты, 16 катнашучы үзен "Конферанс"та сынап карады. Екатерина Юрьевна әйтүенчә, ел саен талантлы балаларның арта баруы һәм конкурста районның барлык авыл җирлекләреннән диярлек аларның катнашулары сөендерә.

Җиңүчеләрнең исемнәре әлегә сер итеп саклана. Мартта мәдәният йорты сәхнәсендә гала-концерт булачак, анда яшь йолдызчыклар үзләренең музыкаль һәм бию номерларын күрсәтәчәкләр. "Йолдызлык-Созвездие" эстрада сәнгате фестиваленең төбәк этабында безнең районны кемнәр тәкъдим итәчәге нәкъ шул көнне билгеле булачак.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2020. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+