Аларны якыннарыдай күрә

Үзенең тырыш хезмәте өчен ул “ТАССР төзелүнең 100 еллыгы” истәлек билгесе белән бүләкләнгән. Тамара Григорьевна уртаклашканча, шундый югары бүләк алырмын дип көтмәгән дә, чөнки ул башкарган эш, аның өчен, бөтенләй дә танылулы түгелдер кебек тоела. 

– Минем карамакта өч палата, аларны җыештырам, – ди ул. – Күзәтчелегемдә  12 кеше, хәрәкәт итә алмаучылар да, йөри торганнары да бар. Ризыкны үзе тотып ашый алмаучыларны сабый балалардай кашык белән ашатам, барысын да ашатып бетерергә кирәк, чөнки яшәр өчен аларга көч кирәк.
Няня интернатта яшәүчеләргә ихтирамлы мөнәсәбәттә. 

– Алар тормыш белән зирәк­ләнгән кешеләр, – ди ул. – Алар белән аралашуы кызык, күп нәрсәләр өйрәтә алалар. Аларның сөйләгәннәрен, элек ничек яшәгәннәрен, бәйрәмнәрне ничек билгеләп үтүләрен, нинди традицияләр булуын язып алырга телим. Кайчакларда эшкә киләсең, күңелгә тыныч түгел, өлкән кеше белән аралашкач – җиңел булып китә, алар хәлгә керә һәм кирәкле сүзләрне таба белә.

Тамара Григорьевна әбиләр һәм бабайларның тамаклары тук һәм киемнәре чиста булсын дип тырыша, аларга шәхси гигие­наны булдырырга да ярдәм итә, аның күзәтүенчә, сәламәтлеге яхшы булучылар ваннада да юынырга, мунчада да парланырга яраталар. Ишегалдында саф һавада йөрүне дә хуп күрәләр, анда ял итәр өчен эскәмияләр, беседкалар бар.

Социаль учреждениенең гадәт­тәге эш тәртибе пандемия вакытында төптән үзгәргән: хезмәткәрләр анда тәүлек әйлә­нәсе яшәгәннәр, дезинфекция ясау, җыештыру, ягъни персоналны кайгырту бермә-бер арткан. 

– Барысын да һәм бөтен җирне махсус әйберләр белән җентекләп сөрттек, – дип уртаклаша социаль хезмәткәр. – Бөтен биналарны астан өскә кадәр, караватларны, тумбочкаларны, ишек тоткаларын юдык, дымлы җыештыруны еш ­уздырдык.

Хезмәткәрләр үзләре тәр­биясендәге өлкәннәр өчен әлеге катлаулы вакытлар стресс булырга тиеш түгеллеген аңлаганнар һәм алар моны сизмәсеннәр өчен тырышып эшләгәннәр. 

– Безнең няняның һәрвакытта чисталык һәм тәртип, – ди аның турында Николай Волков. – Безнең үтенечләрне тыңлый, киң күңелле, ягымлы. 

Язмабыз герое хезмәткәрләр эштә иң мөһиме кешеләр белән уртак тел таба һәм әбиләрне, бабайларны якыннары кебек күрә белү сәләтенә ия булырга тиеш дип саный.