Тәтеш таңнары

Тәтеш районы

18+
Рус Тат
2024 - год Семьи
Кешеләр

Кеше кирәкле булырга тиеш

Валерий Кулаженков – ТРның физик культура отличнигы, педагог, спортчы, искиткеч юмор хисе булган кеше.

(Тәтеш, 21 гыйнвар, «Тәтеш таннары», Елена КАЛАШНИКОВА).   Валерий Ивановичның үз үрнәгендә ни­кадәрле талантлы физкультура укыту­чылары тәрбиялә­вен санарга кем дә булса алынырмы ик­ән, чөнки Тәтеш педагогия  училище­сында (хәзерге гражданнарны яклау көллияте) ул утыз елдан күбрәк хезмәт куйган. Өс­тәвенә, педагог үзенең тормышын спорт белән бәйләячәге­нә кече яшьтән үк ышанган була.

Ул Коры Салмановкада туа, әлеге торак пункт безнең район картасында инде юк. “Гаиләдә мин иң кечкенәсе булганлык­тан, иркә бала булдым, – дип белдерә Валерий Иванович. – Әти-әни эшләде, ә мине кече яшьтән үк әбием тәрбияләде”. Кулаженковлар гаиләсе яшәү урынын иң соңгыларның берсе булып калдырып китә – Людоговкага күченәләр. Биредәге малайлар үзләренең спорт клубын оештыра, футбол һәм хоккей уйный. Аларның башлангычын өлкәнрәк яшүсмерләр дә хуплый: ки­рәк-яраклар сатып алалар, киңәшләре белән генә түгел, шулай ук эшләре белән дә ярдәм итәләр. Валерий Иванович спорттан мәктәп­тә дә аерылмый: һәр­вакытта спортзалга йөри, волейбол, бас­кетбол белән шөгыльләнә, әле тагын ул бик яхшы билгеләренә генә укыр­га да өлгерә. Шуңа күрә Казан дәү­ләт педагогия институтының физика-мате­матика факультетына бернинди кыенлыкларсыз укырга керә. Әмма 1979 елда СССР халыклары Спарта­киадасы үтә. Ул чакта тулай торакта те­левизорның булмавы ярышларны ка­рап-күзә­теп барыр­га мөм­кинлек бирми, аңа документларын алырга һәм Тәтешкә кайтыр­га туры килә. Шушы ук елны педагогия училищесының физик тәрбия бүлегенә укыр­га керә, анда ул вакытта Вячеслав Тимирясов, Геннадий Солдаткин, Николай Селюков укыткан. Валерий Ив­анович нәкъ тә менә аларны үзенең остазлары дип саный. Әле тагын Владимир Бичуковка да рәхмәтле, уку йортының аның башлангычындагы волейбол командасы төрле дәрәҗәдәге ярышларда берничә тапкыр җиңү яулый. Ә аннары – Казан дәүләт педагогия институтының физик тәрбия факультетын­да укый, хезмәт эшчәнлеген Урюм мәктәбендә башлап җибәрә, ике ел Удельное Нечасово мәктәбендә укыта, Тәтешкә кайта, дүрт ай спорт комитетында эшли, аннан сәләтле педагогны педагогия училищесына күчерәләр. Биредә, студентларны да укыта һәм беррәттән сабыйлар белән баскетболда да шөгыльләнә.  Ул һәрвакытта кызыксы­нып эзлә­нүче педа­гог­лар исәбендә: хә­­зер инде студентларны бас­кетболга гына тү­гел, ми­ни-футболга да өйрәтә. Ан­ың шәкертләре әле­ге спорт төрләре буенча Татарстанда иң яхшыларның берсе дип саналалар. 

Валерий Кулаженков – үзенчәлекле кеше, аның белән таныш булган һәркем моның шулай икәнлеген раслый. Ярышлар вакытында аның артыннан күзәтеп тору – чын канәгатьлек хисе кичерү: педагог уен барышына тулысынча “чума”, хис-тойгыларга бирелә һәм җиңүгә өметләнә. “Уйнаган вакытта – туп, парт­нерлар һәм сыбызгы, аннары гына инде калганнары”, – дип белдерә ул.

Утыз елдан артык балалар белән эшләгән кешедән без, төрле буын студентлар арасында аерма бармы дип сорамый кала алмадык. “Сез беләсезме, балалар – пластилин кебек, алардан барысын да эшләп була. Алар үзгәрми, җәмгыять һәм олылар үзгәрә”, – дип җавап бирде ул, бераз уйланып торгач.
Валерий Иванович биш ел элек үзен яңа урында сынап караган: хәзер ул Тәтеш ягы тарихы музее ишек төбендә күп сандагы туристларны сәүдәгәр Серебряков ролендә каршылый. “Менә, хәтта сакал да үстердем”, – ди ул йөзендәге сакал-мыегын сыйпап. – Игътибар үзәгендә булу, Тәтешне күрсәтү, кешеләр белән төрле темаларга аралашу күңелле”. 

Ару-талу белмәс тикшерүче, спорт һәм тарих белән мавыгучы, берничә ел элек үзенең хакыйкатен барлыкка китергән: “Сәламәтлек тәртиптә – гаиләмә, дусларга һәм күне­гүләргә рәхмәт”. Әле тагын, кеше һәр­вакытта кирәкле булырга тиешлегенә ул ышана, һәм үзенең укучылары белән бик горурлана, әгәр алар яхшы кешеләр булып үскәннәр икән, димәк, барысы да юкка гына эшләнелмәгән дип ­саный.
 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X