Рус теле – төгәл фән

(Тәтеш, 16 ноябрь, "Тәтеш таңнары", Татьяна Кузнецова (автор фотосы)). “Миңа рус телен өйрәнү һәрчак кызыклы булды, мин аны җиңел үзләштердем. Һәм, әлбәттә, һөнәр сайлауда укытучы Галина Кузьминична Митрофанованың үрнәге тәэсир итте”, – дип уртаклаша Юлия Леонидовна. 

Ул педагогия институтын тәмамлагач, баштан ук Тәтешкә кайтмый әле. “Сәяхәт итәргә туры килде”, – ди ул елмаеп. Ире белән бергә Казанда, Иркутск өлкәсендә яши.

Аңа, яшь укытучыга, ничек итеп беренче көннән үк уку барышына җан-фәрманга бирелеп эшләргә туры килүен искә төшереп, болай ди: “Педагогия эшчәнлегенең, дәресләр әзерләүнең асылын аңлау кызыклы булды. Унберенче сыйныфларда рус теле һәм әдәбияты алып бардым, хәзер – 6дан алып 9нчы сыйныфтагы мәктәп укучыларына”.

Юлия Леонидовна фикеренчә, рус телен укыту җиңелрәк, чөнки ул – әдәбият белән чагыштырганда төгәлрәк фән, анда шәхси фикерләү мөһим. “Кемгәдер минем фәннәр ошый, кемгәдер юк. Шундый укучылар бар, алар өстәмә биремнәр сорый, кайберләре белән дәрестән тыш вакытта аралашабыз”, – дип уртаклаша педагог. 

Юлия Леонидовна, аның укучылары кебек, төрле дәрәҗәдәге бәйгеләр җиңүчесе. Ул барлык буш вакытларын диярлек дәресләргә әзерләнүгә ­багышлый, ә әгәр бер минуты калса – кулына матур әдәбият ала.