Тетюшские зори
  • Рус Тат
  • Туклыклы төшке аш кәефне күтәрә

    Интернат-йортның өлкән аш пешерүчесе Ирина Нефедова ТР Министрлар Кабинетының Рәхмәте белән бүләкләнде.

    (Тәтеш, 6 март, «Тәтеш таңнары»). Аш пешерүче кешеләр өчен тәмле һәм файдалы иртәнге, төшке, кичке ашлар әзерләү – үзенең төп бурычы дип саный. Һәм ул аны 26 елдан бирле уңышлы эшләп килә, аның поварлык стажы барлыгы утыз елдан күбрәкне тәшкил итә. 

    – Камыр ризыкларының хуш исе безнең өйдә еш аңкый, әнинең пироглары бик тәмле, камыры йомшак, кабарынкы, гомумән әнинең барлык ризык­лары да тәмле була иде, – дип искә төшерә Ирина Николаевна.

    – Мин дә  кечкенәдән аның тирәсендә аш-су бүлмәсендә кайнаштым, бәлки комачаулаганмындыр да, шулай да әни мине беркайчан да кумады, шулай әзерләргә өйрәндем дә инде. 

    Кече Бисәрдә туып-үскән Иринага һөнәре яраткан эшенә әйләнгән, ул Самарада повар-кондитер белгечлеге буенча училище тәмамлаган. Ул кулинар цехында укуының беренче көненнән һөнәри осталыкны үзләштергән. “3 көн укыдык, 3не – эшләдек, теорияне шунда ук тәҗрибәдә кулландык, – ди хатын-кыз. – Һәм мондый тәртип алга таба эшләр өчен күп нәрсәләрне белергә ярдәм итте”.  
    Интернатның өлкән аш пеше­рүчесенә 4нче разряд бирелгән, ул гади дә, катлаулы да ризык­ларны әзерләү осталыгына бер үк дәрәҗәдә ия, азык-төлекнең төрле үзлекләрен, вакытын һәм аларны саклау кагыйдәләрен белә. Хезмәттәшләре әйтүенчә, белгеч иң гадәти азык-төлек­ләрдән дә төрледән-төрле тәмле ризыкларны сыйфатлы һәм тиз әзерли белә. Бу осталыгы интернат шартларында зур әһәмияткә ия, чөнки өлкән яшьтәге кешеләр биредә тәүлек әйләнәсе яши. 

    – Ашханә һәм кухня яхшы итеп җиһазландырылган, бөтен җайланмалар да бар, барлык цехлар аерым урнашкан, – ди Ирина Нефедова. – Хезмәт  шартлары әйбәт. Кухнядагы хезмәттәшем Нина Четаева белән инде бергә күп еллар дус, үзара аңлашып эшлибез.

    Аш пешерүче хәзерге вакытта интернатта яшәүче 47 кеше өчен ризык әзерли, өстәвенә шикәр диа­беты чире булганнар өчен аерым өстәл бар. Өлкәннәр итле, балык ашамлыкларын, камыр ризыклары – эчлек белән пироглар, кабарт­маларны яраталар, дип белдерә ул. Җәй айларында туклануда, китерелгәннән тыш, әле тагын интернат бакчасындагы алмалар, түтәлдән алынган яшеллекләр  барлыкка килә – боларның барысы да табигый чиста. Иганәче быел социаль учреждениегә яңа теплица бүләк иткән, димәк, үз яшел­чәләре дә булачак.

    – Безнең эшкә бәя – ул ри­зыкларны тулысынча ашап бе­терүләре, – ди елмаеп Ирина Николаевна. – Пандемия белән бәйле аерым шартларда эштә беркая китмичә хезмәт куюы җиңел булмады. Тагын да тәмлерәк пешерәсе килде, чөнки туклык­лы төшке аш кәефне күтәрә, күпмедер дәрәҗәдә стрессны да бетерә. 

    Интернатта яшәүчеләр үзлә­ренең аш пешерүчеләрен мактыйлар: “Ирина Николаевна төгәл, игътибарлы, кайгыртучан, аның куллары алтын, барлык ризыклары да тәмле, ә камыр ашамлыкларыннан өйдәге кебек хуш ис һәм җылылык аңкый”.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: