Агымдагы елның беренче сабые – кыз
Сабыйга Кристина дип исем кушканнар.
(Тәтеш, 13 гыйнвар, “Тәтеш таңнары”). Тәтеш районында быел беренче сабый – кыз бала туды, аның авырлыгы 3 килограмм 400 грамм, буе 52 сантиметр. Нарасый Кушкуй авылында яшәүче Диана һәм Гора Арабяннар гаиләсенә шатлык-бәхет өстәде.
Сабыйга Кристина дип исем кушканнар. Ир белән хатынның бу икенче кызлары. Беренчесенә, Даянага, өч яшь.
Бәхетле ата-ананы район башкарма комитеты җитәкчесенең социаль мәсьәләләр буенча урынбасары Наталья Николаева һәм район башкарма комитетының ЗАГС бүлеге җитәкчесе Лариса Дианова кызлары туу белән котлады.
Следите за самым важным и интересным в Telegram-каналеТатмедиа
Нет комментариев