Аларның батырлыгы үлемсез

(Тәтеш, 3  декабрь, Тәтеш таңнары, Юлия КАЛИНИНА).  Билгесез Солдат көне – бу илнең яки аның чикләреннән тыш хәрби хәрәкәтләрдә һәлак булган Россия һәм Совет сугышчыларын искә алу көне.

Бәхеткә каршы, безнең күпчелегебезгә Бөек Ватан сугышы михнәтләрен күрергә насыйп итмәде, әмма болар аша безнең бабаларыбыз узган. 

Йөзләгән мең гаилә аталарын һәм улларын көтеп ала алмаган, алар мәңгелеккә туганнар каберлегендә ятып калган. Ләкин сугышчылар онытылмый: азат илдә яшәүчеләр җитмеш елдан артык алар алдында тез чүгә.

Гаять күп санда һәлак булган сугышчылар исемсез кала, ләкин Билгесез Солдат үзенең булачак дәвамчылары, үз Ватанының киләчәге хакына гомерен кызганмаган кеше мәңгелек каһарман булып күңелләрдә саклана. 

Кызыл Армия сугышчылары һәм командирлары шулай итеп еш кына яуда ятып калганнар, анда аларны үлем йолып алган. Эзләү төркемендә катнашучылар мә­етләрне эзләргә һәм солдатларның исемнәрен торгызырга тырыша. Алар Икенче бөтендөнья сугышы вакытындагы бәрелеш­ләр барган урыннарга чыгалар, авыр шартларда эшлиләр һәм боларның барысы да батырларның дәвамчылары һәркемнең исемен белсен, аларның батыр­лыкларын хәтерләсен өчен башкарыла.

Бөек Ватан сугышы тормышны тамырдан үзгәртә, һәрбер йортның ишегенә, һәрбер гаиләгә авыр кайгы сала, үз ялкынында миллионлаган кешеләрне юк итә, гаять күп җимереклекләр һәм әрнү алып килә. 

Билгесез солдатлар... Туганнар каберлегендә һәм яу кырларында алар никадәрле калган? Төгәл билгеле түгел. Әмма аларның һәркайсы киләчәгебез, тынычлык, азатлык өчен үз гомерләре белән түләгән.