“Барс” сәламәтлек сагында

(Тәтеш, 19 ноябрь, Тәтеш таңнары. Татьяна КУЗНЕЦОВА ). Комплекс даими рәвештә район, республика һәм бөтенроссия дә­рәҗәсендәге ярышларны уздыру урынына әйләнә бара, ә көндәлек тормышта биредә спорт белән шөгыльләнергә теләүчеләр агымы туктап тормый. Моның өчен яхшы шартлар булдырылган.

Чәршәмбе, сәгать унбер. Бинадан чыгу юлында “Әкият” балалар бакчасы сабыйлары парлашып бер рәткә тезелә – физкультурага килгәннәр, киенү бүлмәсе янында өлкәннәр басып тора, алар – бассейнга һәрвакытта килә торган кешеләр. Ә мәктәпләрдә дәресләр тәмамлангач, аларны балалар-яшүсмерләр спорт мәк­­­тәбе шәкертләре алыштырачак: секция­ләр­нең күпчелек өлеше “Барс”та уза. Һәркем биредә җанына ошаганын сайлый ала: волейбол, баскетбол, бадминтон, аквааэробика, йөзү, фитнес, өстәл уеннары һәм башка спорт төрләре белән шөгыльләнергә мөмкин.

“Комплекс бинасы спорт, мәдәният һәм физкультура-сәламәтләндерү юнәлешләрендә эшләү өчен билгеләнгән күпфункцияле объект булып исәпләнә. Ул өч блоктан тора, аның һәркайсы билгеле бер эш алып бара”, – ди “Барс” комплексы директоры Илнур Рәхимов. 
Беренче блок – йөзү бассейны, ул йөзү буенча дәресләр уздыру өчен билгеләнгән. Икенче блокта никах­лар теркәү һәм киңәшмәләр залы, буфет, тренажер һәм шахмат залы, гардероб һәм офис бинасы урнашкан. Шуңа күрә “Барс” сәламәтлек сагында гына түгел, шулай ук тәтешлеләрнең яраткан урыны да әле. Өченче блокта уеннар өчен тамга һәм 174 төшү урынына күчермәле те­лес­коп трибуналары белән җиһазланды­ры­л­ган универсаль спорт залы урын алган. Ә җылылар башлану белән тәтеш­леләр волейбол, бас­кетбол, мини-футбол уеннары өчен урамдагы спорт мәйданчыкларыннан актив файдалана. Җәйге айларда әлеге спорт төрен яратучы яшь буынны биредә еш күрергә мөмкин.

Комплекска соңрак ки­лүчеләр аннан караңгы төшкән вакытта гына  китәләр: “Барс”тагы шау­шулы тор­мыш нәкь 21 сәгатьтә тынып кала. Әмма ул иртән янә балаларның шат авазына һәм спорт җанатарларының кызу бәхәсләренә күмелә, ә хореография залларыннан һәркемгә таныш күңелле җыр көйләре ишетелә.