Барысы да матур һәм заманча булачак

(Тәтеш, 29 июль, «Тәтеш таңнары»). Әлеге программалар кысаларында Нармонка һәм Килдеш урта мәктәпләрендә азык блок­лары, ашханәләр яңартыла: төзекләндерү һәм бизәкләү эшләре башкарыла, заманча яңа җайланмалар куела.  

–   Безнең мәктәптә ­ремонт июнь башында ­башланды. Бүгенге көндә төзүчеләр күп эшләр башкарды. ­Су үт­кәр­геч һәм канализация чел­тәр­­ләрен, электр ­чыбыкларын һәм яктырткычларны алыштыр­дылар. Идәннәрне һәм түшәм­нәрне тигезләделәр, ­плитка түшәделәр. Бу­яр өчен диварлар инде әзерләп куелды, эш осталары белән бергәләп ­буяулар  сайлыйбыз, – дип сөйли Нармонка урта мәктәбе дирек­торының тәрбия эшләре ­буенча урынбасары Наталья Берд­никова. – Ашханәдәге барлык җайланмаларны алыштырдык. Киптерү, юу җайланмалары, бүлү өстәле, плитә урнаштыралар. Яңа ишекләр куелачак. Төшке аш залында да шулай ук үзгәрешләр булачак. Өләшү һәм кулланылган савыт-сабалар өчен ике тәрәзә ясалды. Кулларны юу өчен яңа раковиналар барлыкка килде. Эш тизләтелгән рәвештә бара, төзүчеләр әйтү­енчә, аны 10 августка төгәлләү ниятләнә.    

– Республика ­программасы ярдәмендә безнең мәктәптә үзгәртеп корулар шактый – аш­ханә һәм азык блогы яңартып төзекләндерелә. Төзүчеләр барлык коммуникацияләрне һәм технологик җайланмаларны алыштырдылар. Канализация системалары, җилләткечләр, энергия белән тәэмин итү яңар­тылды. Идәннәр, тәрәзәләр һәм ишекләр яңа. Идәннәргә һәм диварларга плитка ябыштырдылар, – дип ачык­лык кертә Килдеш урта мәктәбе директоры Ла­ри­са Малькина. – Азык ­блогы өлешчә үзгәртелде. Яңар­тып төзекләндергәндә яңа ­блок­лар: яшелчәләр кую ­урыны, яшелчә һәм ит цехлары, аш-су бүлмәсендәге, ашханәдәге савыт-сабаларны юу җайланмалары, суыткычлар өчен бүлмәләр һәм башкалар барлыкка килде. Һава суыру җайланмасы, плитә урнаштырачаклар – барлык җиһазлар да югары технологияле, заманча. Ашханә өчен бүлү өстәле һәм җиһаз (өстәлләр һәм эскәмияләр) көтәбез. Азык блогы көннән-көн үзгәрә бара. Төзүчеләр барлык эшләрне дә ­сыйфатлы итеп башкаралар. Барысы да заман­ча һәм матур булачак. Аш пешерүчеләребезгә хез­мәт эшчәнлеге өчен туды­рылган шартлар ошар, ә укучы­ларыбыз яңартылган ашханәдә үзләрен уңайлы хис итәр дип өмет­ләнәбез.